Вы тут

Прапанова спрасціць рэгістрацыю пабудаванага жылога дома падтрыманая ўрадам


Верхняя палата беларускага парламента сістэматычна праводзіць маніторынг практыкі прымянення заканадаўства для своечасовай карэкціроўкі законаў, ліквідацыі прававых прабелаў і залішняй зарэгуляванасці. Падчас аналізу Закона «Аб асновах адміністрацыйных працэдур» ад 2008 года парламентарыі выявілі праблему, з-за якой людзі, якія пабудавалі індывідуальнае жыллё, часта вымушаны двойчы праходзіць адну і тую ж працэдуру, каб яго зарэгістраваць.


— Чалавек, які завяршыў будаўніцтва ўласнага жылога дома, згодна з Указам Прэзідэнта № 200 ад 2010 года, звяртаецца ў выканкам з пакетам дакументаў па акт прыёмкі дома ў эксплуатацыю, — патлумачыў «Звяздзе» намеснік старшыні Пастаяннай камісіі Савета Рэспублікі па заканадаўстве і дзяржаўным будаўніцтве Віктар ЧАЙЧЫЦ. — Работнік выканкама абмервае дом, каб вызначыць яго фактычную плошчу, якую ўказвае ў акце. Наступны этап — атрыманне тэхнічнага пашпарта і рэгістрацыя правоў на дом. Арганізацыя па дзяржаўнай рэгістрацыі нерухомай маёмасці таксама праводзіць абмеры жылога дома для складання ведамасці тэхнічных характарыстык. Калі выяўляецца неадпаведнасць з плошчай, указанай у акце прыёмкі, права на дом не рэгіструецца, пакуль не будуць унесены змяненні ў рашэнне выканкама. Пры гэтым памылка ў вымярэнні можа быць нязначнай — дзясятыя долі сантыметра.

Пастаянная камісія Савета Рэспублікі па заканадаўстве і дзяржаўным будаўніцтве абмяркоўвала вопыт прымянення адміністрацыйных працэдур на выязным круглым стале ў Камянецкім раёне Брэсцкай вобласці. Падчас гэтага мерапрыемства высветлілася, што значная частка зваротаў у выканкам датычыцца якраз унясення змяненняў у рашэнне аб зацвярджэнні акта прыёмкі пабудаваных жылых аднакватэрных дамоў.

Савет Рэспублікі звярнуўся ва ўрад з прапановай замацаваць права арганізацыі па дзяржаўнай рэгістрацыі нерухомай маёмасці не браць пад увагу мінімальныя разыходжанні паміж вынікамі абмераў, указанымі ў акце прыёмкі і ў ведамасці тэхнічных характарыстык. Як альтэрнатыву сенатары прапанавалі ўключаць ведамасць тэхнічных характарыстык у пералік дакументаў, якія падаюцца ў выканкам для атрымання акта прыёмкі дома ў эксплуатацыю. Савет Міністраў паведаміў парламентарыям, што апошняя прапанова ўжо ўключаная ў праект комплекснай карэкціроўкі Указа Прэзідэнта Рэспублікі Беларусь № 200 ад 26 красавіка 2010 года. Адпаведны дакумент накіраваны на разгляд кіраўніку дзяржавы.

Вольга МЯДЗВЕДЗЕВА

Загаловак у газеце: Мінус залішняя беганіна

Выбар рэдакцыі

Грамадства

З баршчэўнікам змагаюцца нават з дапамогай квадракоптара

З баршчэўнікам змагаюцца нават з дапамогай квадракоптара

Вопыт Віцебшчыны ў знішчэнні баршчэўніку цікавы таму, што тут больш за 80 працэнтаў зараснікаў ад агульнага па краіне.

Грамадства

Прэтэндэнты на студэнцкі білет здалі тэст па матэматыцы

Прэтэндэнты на студэнцкі білет здалі тэст па матэматыцы

Пазнаць у гарадскім натоўпе абітурыентаў можна без праблем.

Грамадства

Як жывуць апошнія жыхары вёскі Вясневічы

Як жывуць апошнія жыхары вёскі Вясневічы

Галоўная славутасць Вясневічаў, яе жывая гісторыя — 96-гадовы Аляксей Юркевіч.

Культура

Наталля Батракова: Чытачы пішуць, што мае героі нібыта працуюць у суседнім офісе

Наталля Батракова: Чытачы пішуць, што мае героі нібыта працуюць у суседнім офісе

З Наталляй Батраковай мы сустрэліся на адкрыцці абноўленай кнігарні «Светач», што на сталічным праспекце Пераможцаў, 11.