Ва ўрадзе пад кіраўніцтвам прэм’ер-міністра Рамана Галоўчанкі прайшла нарада па ўдасканаленні падыходаў да забеспячэння грамадзян жыллём, паведамляе БелТА.
«Працягваем работу над важнай задачай — змяненнем падыходаў да будаўніцтва жылля ў рэспубліцы. На мінулай нарадзе мы выдзелілі шэраг пытанняў, якія патрабуюць больш глыбокага вывучэння. Было прынята рашэнне аб стварэнні невялікіх рабочых груп па паглыбленым вывучэнні наступных пытанняў. Па-першае, вычляненне праблем, якія стрымліваюць развіццё іпатэчнага жыллёвага крэдытавання і, адпаведна, выпрацоўка прапаноў па іх зняццю. Другое — аналіз мэтазгоднасці павышэння памеру дзяржаўнай падтрымкі, якая прадастаўляецца грамадзянам для будаўніцтва жылля ў населеных пунктах з колькасцю насельніцтва да 80 тыс. чалавек. Трэцяя задача, над якой працавалі адразу дзве каманды, — забеспячэнне розных катэгорый грамадзян арэндным або сацыяльным жыллём», — распавёў Раман Галоўчанка.
Паводле яго слоў, напрацаваны пэўныя прапановы. «Канчатковая мэта — выхад на паседжанне Прэзідыума ўрада з прапрацаванымі рашэннямі па новых падыходах да жыллёвага будаўніцтва ў рэспубліцы», — адзначыў прэм’ер-міністр.
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.