Вы тут

Гісторыя Чырвонага Крыжа ў Беларусі выйшла ў кніжным фармаце


Добра знаёмая кніжная серыя «У пошуках страчанага», у якой ужо выдадзена нямала выданняў з рэпрадукцыямі старых паштовак, папоўнілася альбомам «Місія міласэрнасці: ілюстрацыйная гісторыя Чырвонага Крыжа ў Беларусі».


Лаўрэат прэміі Прэзідэнта Рэспублікі Беларусь «За духоўнае адраджэнне» філакартыст і гісторык Уладзімір Ліхадзедаў з дапамогай артэфактаў са сваёй уласнай калекцыі расказвае пра рух Беларускага Чырвонага Крыжа. Матэрыялы са збораў уважлівага да даўніны рупліўцы ўзнаўляюць дзейнасць грамадскага аб'яднання на тэрыторыі сучаснай Беларусі з пачатку ХХ стагоддзя да 1939 года. Некаторыя рэпрадукцыі дазваляюць зазірнуць і ў ранейшыя часіны, у дзевятнаццатае стагоддзе. Вось што піша ва ўступным слове да кнігі Генеральны сакратар Беларускага таварыства Чырвонага Крыжа, дэпутат Палаты прадстаўнікоў Нацыянальнага сходу Рэспублікі Беларусь Вольга Мычко: «У кнізе вядомага гісторыка Уладзіміра Ліхадзедава... прадстаўлены ўнікальныя фотаздымкі і паштоўкі з яго калекцыі, якія паказваюць работу нашай арганізацыі на тэрыторыі сучаснай Беларусі з 1867 г., калі было створана Расійскае таварыства апекі аб параненых і хворых воінах. 26 сакавіка 1872 г. утварылася першае Мінскае мясцовае ўпраўленне, а ў 1877 г. на тэрыторыі цяперашняй Беларусі налічвалася ўжо 5 мясцовых упраўленняў, 30 крапасных і павятовых камітэтаў, якія аб'ядноўвалі ў сваіх шэрагах больш за 3000 чалавек...»

Відавочна, што дзякуючы кнізе У. Ліхадзедава можна здзейсніць адмысловае падарожжа па Беларусі, убачыць «адрасы міласэрнасці», разгледзець вобразы і постаці людзей, якія не шкадавалі ні сваіх сіл, ні сардэчных перажыванняў дзеля іншых — дзеля тых, каму найболей была патрэбна дапамога. Такія выявы, такія кнігі — добры ўрок выхавання міласэрнасці, чуллівасці, душэўнасці.

Выдатна было б у знак 70-годдзя падпісання Жэнеўскіх канвенцый 1949 года, якія з'яўляюцца асновай міжнароднага гуманітарнага права і складаюцца з найбольш важных прававых норм, што абмяжоўваюць праявы жорсткасці падчас узброеных канфліктаў, правезці па краіне, а мо і за яе межамі, і кнігу «Місія міласэрнасці», і самі паштоўкі, старыя фотаздымкі. Прэзентацыя ці выстаўка такога характару сталася б добрым складнікам сур'ёзнай выхаваўчай работы ў грамадстве. Кніга-альбом Уладзіміра Ліхадзедава пабачыла свет у Выдавецкім доме «Звязда» па заказе і пры фінансавай падтрымцы Міністэрства інфармацыі Рэспублікі Беларусь.

Мікола БЕРЛЕЖ

Выбар рэдакцыі

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.