Штотыдзень у эфіры тэлеканала «Беларусь 3» тэлевіктарына «Размаўляем па-беларуску». Для таго каб стаць яе ўдзельнікамі, неабходна зайсці на сайт tvrgоmеl.bу або 3bеlаrus.bу і праз банер «Размаўляем па-беларуску» запоўніць заяўку на каманду з трох чалавек. Ну, а праверыць сваё веданне роднай мовы пасля таго як праграма выйшла ў эфір, можна з дапамогай «Звязды».
Ці ведалі вы, што:
пошчак — пералівісты гук;
дру́з — маса з бітага камення;
каламя́нка — моцная льняная тканіна;
зага́на — недахоп, які выклікае асуджэнне;
тры́зніць — гаварыць у хворым стане, галюцыніраваць;
ліпе́ць — ледзь-ледзь трымацца;
як слова сказаць — вельмі хутка нешта зрабіць (беларусы яшчэ скажуць: як стой, як вокам згледзець, як бач; рускія: в мгновенье ока);
адны слёзы — 1) вельмі дрэнны, мізэрны; 2) вельмі мала (беларускія адпаведнікі: глядзець няма на што, нікуды не варты; рускі: ни в какие ворота).
Паўторы выпускаў тэлевіктарыны — у ранішнім эфіры «Беларусь 3» кожную суботу.
Ірына АСТАШКЕВІЧ
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?