Вы тут

У Савецкім раёне Гомеля футбольны манеж стаў крытым


Зімой і летам будзе цяпер працаваць адноўлены спартыўны комплекс у Савецкім раёне Гомеля. Дарэчы, купал новага спартыўнага збудавання можна заўважыць здалёк. Ён мае вышыню 24 метры. Бялюткую мембрану над полем паднімалі ціскам паветра з дапамогай газавых установак і дызель-генератараў. Яна накрыла сучасную футбольную пляцоўку са штучным пакрыццём.


Полістырольная тканіна, якая была разаслана на пляцоўцыгомельскага стадыёна «Прамень», пазамінулай ноччу ператварылася ў купал.

Падзеі радуюцца ўсе — ад рабочых да кіраўнікоў установы. Рэч у тым, што моманту, калі можна будзе завяршыць важны этап, чакалі, як з мора пагоды. Поўнага штылю — такое было асноўнае патрабаванне славенскіх праектантаў — дачакаліся ноччу з 18 на 19 лістапада. Надзімалі аб'ект тры гадзіны. І няхай вакол і ўнутры ёсць яшчэ што ўдасканальваць, зроблены асноўны этап.

— Цяпер спецыялісты славенскай кампаніі прыступяць да мантажу святлодыёднага асвятлення. Яго будуць праводзіць на працягу 10 дзён, — кажа начальнік аддзела спорту і турызму Гомельскага гарвыканкама Ігар Палуян. — Далей будзе адбывацца мантаж трыбун, якія знаходзяцца ўнутры купала. А потым усталююць супрацьпажарную сігналізацыю. Праект рэалізуецца за сродкі УЕФА праз Беларускую федэрацыю футбола і абласны бюджэт. Цяпер тут ёсць паўнавартаснае футбольнае поле еўрапейскага стандарту як для трэніровак, так і для спаборніцтваў любога ўзроўню.

Гэты праект рэалізуецца па даручэнні кіраўніка дзяржавы. Каб трэніроўкі на траве ў футбалістаў перасталі насіць сезонны характар, у кожным абласным цэнтры даручана пабудаваць крытыя манежы. Аналагічныя купалы-мембраны над футбольнымі палямі ўжо ёсць у Мінску, Брэсце і Гродне. Праз пэўны час з'явяцца і ў Магілёве з Віцебскам.

У гомельскім манежы, у адрозненне ад падобных збудаванняў у іншых гарадах нашай краіны, усталююць трыбуны на 500 гледачоў. Асаблівая ўвага ўдзяляецца тэхніцы бяспекі.

— Унутры, непасрэдна над месцамі для гледачоў, будзе ахоўная сістэма, якая не дазволіць купалу ўпасці да падлогі, — кажа дырэктар Гомельскай ДЮСШ № 6 Юрый Сачыўка. — Там прадугледжаны дадатковыя металічныя канструкцыі, якія будуць абмяжоўваць тканіну. Праходнасць людзей за хвіліну з адных дзвярэй — 32 чалавекі. Апроч трох асноўных ёсць 10 эвакуацыйных выхадаў. Дарэчы, купал пры пашкоджанні спадае не адразу, а за 2,5 гадзіны.

Адкрыты ў 70-я гады мінулага стагоддзя стадыён «Прамень» сёння кардынальна абноўлены. Адрамантаваны падтрыбунныя памяшканні, дзе для спартсменаў зроблены ўсе неабходныя ўмовы. З футбольным манежам памяшканні злучыць крытая галерэя. Апроч таго і ўрэшце тут будуць тры паўнавартасныя футбольныя пляцоўкі. Акрамя закрытай — яшчэ дзве адкрытыя: са штучным пакрыццём і натуральным газонам.

Пасля завяршэння работ аб'ект будзе перададзены на баланс гарадской дзіцяча-юнацкай спартыўнай школы № 6, дзе ўжо вядзецца набор навучэнцаў у новае футбольнае аддзяленне. Завершаны і добраўпарадкаваны стадыён стане падарункам гамяльчанам да Новага года, а са студзеня тут пачнуцца заняткі.

Ірына АСТАШКЕВІЧ

Фта аўтара

Выбар рэдакцыі

Культура

Мікалай Пінігін: Каб ведаў як, сам напісаў бы класную сучасную п'есу

Мікалай Пінігін: Каб ведаў як, сам напісаў бы класную сучасную п'есу

На рахунку рэжысёра і мастацкага кіраўніка Купалаўскага тэатра Мікалая Пінігіна больш за семдзесят спектакляў, і па некаторыя з іх хоць зараз ідзі на вуліцу Энгельса. 

Грамадства

Расказваем пра тое, як на Брэстчыне раней гатавалі варэнне і як гэта робяць цяпер

Расказваем пра тое, як на Брэстчыне раней гатавалі варэнне і як гэта робяць цяпер

Аказваецца, у нашых вёсках амаль да другой паловы ХХ стагоддзя не мелі звычкі нарыхтоўваць яго, не ведалі, як варыцца.

Спорт

Як у Бабруйску рыхтуюць будучых чэмпіёнаў

Як у Бабруйску рыхтуюць будучых чэмпіёнаў

Менавіта з Бабруйска выйшлі прызёры самых прэстыжных сусветных турніраў па веславанні, барацьбе, боксе, шахматах, лёгкай і цяжкай атлетыцы.

Грамадства

Прадпрыемствы ЖКГ займаюцца адловам беспрытульных жывёл. Але ці павінны яны гэта рабіць?

Прадпрыемствы ЖКГ займаюцца адловам беспрытульных жывёл. Але ці павінны яны гэта рабіць?

Летась у Мінскай вобласці адлавілі больш за пяць тысяч бадзяжных жывёл, толькі 203 з іх знайшлі свой дом. Толькі ўявіце сабе, як лічбы адлову павялічваюцца ў маштабах усёй краіны!