Штотыдзень у эфіры тэлеканала «Беларусь 3» тэлевіктарына «Размаўляем па-беларуску». Для таго каб стаць яе ўдзельнікамі, неабходна зайсці на сайт tvrgоmеl.bу або 3bеlаrus.bу і праз банер «Размаўляем па-беларуску» запоўніць заяўку на каманду з трох чалавек. Ну, а праверыць сваё веданне роднай мовы пасля таго як праграма выйшла ў эфір, можна з дапамогай «Звязды».
се́янка (адно са знач.) — насенне, клубні, прызначаныя для пасеву;
са́жалка — штучны вадаём;
гартава́ць — надаваць цвёрдасць металу;
дзірване́ць — зарастаць травой;
кплі́вы — той, які любіць насміхацца;
прына́дны — прывабны, спакуслівы;
тачыць лясы — займацца пустымі размовамі, пустасловіць (беларускія адпаведнікі: ліць ваду, малоць языком; рускія: разводить тары-бары, толочь воду в ступе);
на скрут галавы — 1) вельмі хутка, імкліва бегчы, уцякаць і да т. п.; 2) не думаючы, неабачліва нешта рабіць (беларусы яшчэ скажуць: без аглядкі, без памяці; рускія: во все лопатки, с кондачка).
Паўторы выпускаў тэлевіктарыны — у ранішнім эфіры «Беларусь 3» кожную суботу.
Ірына АСТАШКЕВІЧ
Сумесныя праекты ядзерных тэхналогій.
