За светам сітны хлеб смачнейшы

Штотыдзень у эфіры тэлеканала «Беларусь 3» тэлевіктарына «Размаўляем па-беларуску». Для таго каб стаць яе ўдзельнікамі, неабходна зайсці на сайт tvrgomel.by або 3belarus.by і праз банер «Размаўляем па-беларуску» запоўніць заяўку на каманду з трох чалавек. Ну, а праверыць сваё веданне роднай мовы пасля таго, як праграма выйшла ў эфір, можна з дапамогай «Звязды».

Ці ведалі вы, што:

плі́ска — невялікая пералётная птушка;
ца́пстрыкі — дробныя рэчы дамашняга скарбу;
сі́тны — прасеяны праз сіта;
паркалё́вы — зроблены з лёгкай баваўнянай тканіны;
сахо́р — жалезныя вілы;
не́руш — што-небудзь некранутае.
За светам — вельмі далёка знаходзіцца, жыць. Беларусы яшчэ скажуць: за дзясятай гарой, у чорта на рагах. Рускія: у чёрта на куличках, за тридевять земель.
Дацца ў знакі — запомніцца надоўга, аказаць уздзеянне на каго-небудзь. Беларускі адпаведнік: уесца ў косці. Рускі: в печёнках засесть.