Вы тут

Ягор Грынько — пераможца Нацыянальнага чэмпіянату Амерыкі па шахматах


Сямігадовы беларус стаў пераможцам Нацыянальнага чэмпіянату Амерыкі па шахматах.


У ЗША сям'я Грынько пераехала зусім нядаўна — у жніўні мінулага года. Бацьку Ягора перавялі з Гомеля ў іншае падраздзяленне ІT-кампаніі. На радзіме хлапчук пачаў займацца шахматамі па ініцыятыве мамы Таццяны, якая і навучыла Ягора правілам гульні. Даволі хутка малы абыграў маму, таму бацькі вырашылі аддаць дзіця ў спецыялізаваную дзіцяча-юнацкую школу алімпійскага рэзерву № 3 па шахматах. Там ён займаўся пад кіраўніцтвам трэнера-выкладчыка школы Марыны Церашковай, якая пасадзейнічала яго першым перамогам у розных спаборніцтвах.

Вядучы рэферэнт упраўлення спорту і турызму Гомельскага аблвыканкама Алеся Рашанок расказала, што дзякуючы настойлівасці бацькоў і цязе самога хлопчыка да шахмат заняткі ў ЗША працягваліся самастойна: малы вырашаў да 30 шахматных задач у дзень:

— Цяпер сям'я Грынько жыве ў штаце Каліфорнія, які з'яўляецца адным з самых дарагіх у ЗША. Дарэчы, адны заняткі з персанальным трэнерам там каштуюць $55 у гадзіну. Бацькі Ягора знайшлі іншае выйсце. Ён стаў праходзіць анлайн-курс расійскага трэнера па шахматах. За паўгода хлопчык палепшыў вынік і паспеў паўдзельнічаць у 12 турнірах. У мясцовых спаборніцтвах па шахматах, якія праходзілі ў гарадах Куперціна, Фрымонт і Сан-Рамон, Ягор заняў тры першыя і адно другое месца. Між тым нацыянальныя чэмпіянаты ў ЗША праходзяць два разы на год, іх удзельнікі гуляюць толькі ў сваёй узроставай катэгорыі.

І вось неўзабаве сямігадовы шахматыст на Нацыянальным юнацкім шахматным кангрэсе (Nаtіоnаl Junіоr Сhеss Соngrеss), які праходзіў з 10 па 11 сакавіка, заняў першае месца. Ён набраў 4,5 з 5 балаў і абыграў 22 удзельнікаў сваёй узроставай катэгорыі.

Ірына АСТАШКЕВІЧ

Загаловак у газеце: Шах і мат!

Выбар рэдакцыі

Грамадства

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

У пачатковы перыяд Вялiкай Айчыннай вайны зацятыя баi разгарнулiся пры абароне Барысава — старадаўняга беларускага горада на Бярэзiне. 

Грамадства

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

«Лічбавыя жулікі», якія здымаюць грошы з чужых банкаўскіх карт, звычайна маскіруюцца пад інтэрнэт-рэсурсы, вартыя даверу.