Старадаўні камінны гадзіннік канфіскавалі ў масквіча супрацоўнікі пункта мытнага афармлення «Дамачава». Грамадзянін суседняй краіны вёз культурную каштоўнасць без усялякіх дакументаў, нібы сучасны кітайскі электронны гадзіннік. Менавіта экспертыза назвала каштоўнасцю рэч, вырабленую ў Францыі ў ХІХ стагоддзі. Суд канчаткова вырашыў лёс кантрабанды на карысць нашай краіны.
Звычайна такія знаходкі пераязджалі ў брэсцкі музей культурных каштоўнасцяў. На гэты раз мытня вырашыла папоўніць экспазіцыю гісторыка-мемарыяльнага музея «Сядзіба Нямцэвічаў», які знаходзіцца ў Скоках пад Брэстам. Начальнік Брэсцкай мытні Аляксандр Піхун ва ўрачыстай абстаноўцы перадаў гадзіннік супрацоўнікам музея. Несумненна, такая рэч магла б упрыгожваць залу, калі ў ёй танцавалі гаспадары палаца, магла быць у ёй і пазней, калі ў Скоках Троцкі вёў перагаворы з германскімі прадстаўнікамі напярэдадні падпісання Брэсцкага міру.
Святлана ЯСКЕВІЧ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
