15 красавіка прайшла творчая сустрэча членаў клуба «Таленты і паклоннікі» з пісьменнікам Міхасём Пазняковым.
Удзельнікі змаглі пазнаёміцца з творчасцю паэта, яго біяграфіяй, гісторыяй пачатку літаратурнага шляху і атрымаць асалоду ад музычнага суправаджэння актрысы паэтычнага тэатра Наталлі Хадкевіч.
— Калі адбылося маё першае і асабістае знаёмства з творчасцю паэта, я акунулася ў незвычайны свет прыроды, пра які раней і падазраваць не магла. Яго паэзія напоўнена глыбокімі філасофскімі разважаннямі, захопленымі любоўнымі перажываннямі з перадачай думкі аб усведамленні вялікага прызначэння слова ў жыцці людзей, — расказала старшыня клуба «Таленты і паклоннікі» Зоя Шорціна.
Сустрэчу таксама наведаў старшыня саюза пісьменнікаў Арменіі Абгар Апінян і падзяліўся сваімі эмоцыямі: «Я выдатна ведаю гісторыю беларускай літаратуры, але адно — справу ведаць, а другое — бачыць і адчуваць. Паспеў пабываць на розных сустрэчах, але асабліва запомніўся гэты вечар з такім незвычайным клубам. І мне хацелась, каб у нас таксама стварылі нешта падобнае. Студэнты Ерэвана вельмі любяць беларускую літаратуру, і я хачу падзяліцца з імі эмоцыямі, якія сёння змог атрымаць сам».
— Сапраўдная літаратура і сапраўдны пісьменнік — гэта тыя, хто дапамагаюць чытачу не толькі нешта адкрыць для сябе, але і акунуцца ў свет гісторыі. Сілкуюць душу, схіляюць быць сапраўдным чалавекам, — сказаў старшыня Мінскага гарадскога ўпраўлення саюза пісьменнікаў Беларусі Міхась Пазнякоў.
Кацярына УРБАН
Фота аўтара
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.