Штотыдзень у эфіры «Беларусь 3» гульня «Размаўляем па-беларуску». Праверыць сваё веданне роднай мовы пасля таго, як праграма выйшла ў эфір, можна з дапамогай «Звязды».
пры́зба — невысокі насып уздоўж сцяны хаты. «Збіраліся [сяляне] пасядзець то на вячорках, то на прызбах, каб і пажартаваць і паплакаць», — пісаў Ян Скрыган;
кно́т — ніць для гарэння ў газавай лямпе або свечцы. Слова мае нямецкае паходжанне [ням. Knoten — вузел];
туля́га — чалавек, які пазбягае сустрэчы, бадзяга;
ра́цыя — падстава, сэнс, аснова. Мець рацыю;
дзядоўнік — зараснік пустазелля з калючым лісцем;
ве́ка — накрыўка для скрынкі або пасудзіны;
круціць мазгамі — сур'ёзна думаць, меркаваць, разважаць. Беларускія сінонімы: варушыць галавой, раскідваць розумам. Рускі адпаведнік: шевелить мозгами;
як мага — 1) вельмі хутка бегчы, спяшацца; 2) у найвышэйшай ступені рабіць што-небудзь. Беларусы яшчэ скажуць: ва ўсе лапаткі, з усіх ног, на злом галавы, высалапіўшы язык, на зламанне карка, на скрут галавы, на ўсе ногі, як жару ўхапіўшы. Рускія: во весь дух, как на пожар.
Якуб Колас у «Новай зямлі» пісаў:
— Унь дзядзька йдзе!
— гукаюць дзеці.
Забылі ўсё яны на свеце
І як мага бягуць, смяюцца,
Аж іх валосікі трасуцца.
Ірына АСТАШКЕВІЧ
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
