Дом паляўнічага і рыбалова «Паляшук» адкрыўся ў вёсцы Канатоп Нараўлянскага раёна. Установа, якая знаходзіцца за пяць кіламетраў ад райцэнтра, належыць Нараўлянскаму філіялу беларускага таварыства паляўнічых і рыбаловаў.
Адкрыццё такога аб'екта — гэта агульны ўнёсак мясцовых улад і таварыства ў забеспячэнне жыццядзейнасці населенага пункта, што дапаможа развіваць турыстычны патэнцыял поўдня краіны. Дом паляўнічага і рыбалова абсталяваны ўсімі выгодамі для камфортнага пражывання. Акцэнт зроблены на лаканічнасць і экалагічнасць, у аздабленні прысутнічае шмат натуральнага дрэва. У гэтых мясцінах сапраўды можна адарвацца ад гарадской мітусні, нацешыцца дзіўнай прыгажосцю Прыпяці, лепш даведацца пра багатую гісторыю Нараўлянскага краю. У арганізатараў праекта яшчэ шмат ідэй.
Ірына АСТАШКЕВІЧ
Сумесныя праекты ядзерных тэхналогій.