Вы тут

Генадзь Салавей: Я за ўзаемадзеянне парламента і мясцовых улад


Месцы, дзе сёння адбываецца галасаванне за тых, хто будзе прадстаўляць гомельскі рэгіён у Палаце прадстаўнікоў, можна заўважыць здалёк. Яшчэ на вуліцы перад многімі выбарчымі ўчасткамі разгорнуты розныя пляцоўкі з выставамі, гульнямі, канцэртамі і прэзентацыямі. Унутры памяшканняў — буфеты са смачнай прадукцыяй мясцовых прадпрыемстваў. 


Дарэчы, перад уваходам ва ўніверсітэцкі будынак, дзе размешчаны ўчастак № 17 Гомельскай-Цэнтральнай акругі № 33, грае духавы аркестр. Сюды прыйшоў галасаваць старшыня Гомельскага аблвыканкама Генадзь Салавей. Кіраўнік вобласці нагадвае, што грамадзянскі абавязак кожнага беларуса — выказаць сваю пазіцыю і падтрымаць таго ці іншага кандыдата:

— Я галасую за разумны баланс стабільнасці і прагрэсу. За мудрасць дасведчаных прафесіяналаў, за дасягненні калектываў і прадпрыемстваў. За апошнія 25 гадоў стабільна развіваецца эканоміка нашай дзяржавы. Надаецца ўвага як рэальнаму сектару эканомікі, так і сацыяльным накірункам. У Гомельскай вобласці ёсць уласны брэнд — комплекснае добраўпарадкаванне населеных пунктаў. Гэта работа будзе працягвацца. Сёння я галасую і за арганічнае ўзаемадзеянне парламента і мясцовых органаў улады. 

Генадзь Салавей выказаў ўдзячнасць дэпутатам шостага склікання — за іх падтрымку Гомельшчыны ў дэпутацкім корпусе.  

Кіраўнік Гомельшчыны ўручыў падарункі тым маладым людзям, якія ўпершыню сталі выбаршчыкамі, падрабязна пазнаёміўся з навуковымі напрацоўкамі, якія былі прадстаўлены на стэндах маладымі вучонымі Гомельскага дзяржаўнага ўніверсітэта імя Францыска Скарыны. 

Галасаваць на ўчастку № 17 у Гомелі ёсць магчымасць у 1784 выбаршчыкаў — менавіта столькі прозвішчаў значыцца ў спісах участковай камісіі. Дарэчы, 523 чалавекі прагаласавалі тут датэрмінова. 

Усяго ў Гомельскай вобласці адкрыты 1009 участкаў. На 17 месцаў у Палаце прадстаўнікоў у рэгіёне прэтэндуюць 72 кандыдаты.

Ірына АСТАШКЕВІЧ

Фота аўтара

Выбар рэдакцыі

Культура

Дзяніс Раманюк: Я раблю этнаграфію «дваццаць пятым» кадрам

Дзяніс Раманюк: Я раблю этнаграфію «дваццаць пятым» кадрам

Пышныя альбомы, выдадзеныя Дзянісам Раманюком, з задавальненнем трымаюць у хатніх бібліятэках як беларусы, бо адчуваюць гонар за краіну, так і замежнікі, бо невядомую культуру даследуюць праз высакакласны кніжны твор.

Грамадства

Санны рэйд. Як партызаны здзейснілі пераможную аперацыю на Палессі ў 1942-м

Санны рэйд. Як партызаны здзейснілі пераможную аперацыю на Палессі ў 1942-м

Сёлетняя зіма на снег, скажам прама, зусім небагатая. Але ў лютым і сакавіку 1942 года, калі пра глабальнае пацяпленне ніхто і не чуў, снегу было вельмі шмат.

Спорт

Барэц Максім Нягода: Пасля кожнага медаля трэба пачынаць з нуля

Барэц Максім Нягода: Пасля кожнага медаля трэба пачынаць з нуля

Барысаўчанін са шматдзетнай сям'і стаў чэмпіёнам кантынента.

Культура

Хто спявае па-беларуску?

Хто спявае па-беларуску?

Адмысловы плэйліст “Звязды” да Дня роднай мовы.