Па статыстыцы, 27 працэнтаў беспрацоўных -- людзі за 50. З улікам нядаўняга павышэння пенсійнага ўзросту, пытанне працаўладкавання гэтай катэгорыі становіцца яшчэ больш актуальным. Якія стэрэатыпы ёсць у наймальнікаў наконт узроставых работнікаў? Ці праўда, што маладых кандыдатаў бяруць больш ахвотна? Як саіскальнікам за 50 правільна сябе “прадаць” на рынку працы? Разам са спецыялістамі абмяркоўваем найбольш вострыя моманты.
Удзельнікамі “круглага стала” сталі намеснік начальніка ўпраўлення занятасці насельніцтва камітэта па працы, занятасці і сацыяльнай абароне Мінгарвыканкама Вікторыя УСОВІЧ, начальнік аддзела аналізу і рэгулявання рынка працы гэтага ж камітэта Святлана ЛЯВОНЧЫК, дырэктар кансалтынгавай кампаніі “Квадрат” Святлана КАРАСЦЯЛЁВА, намеснік генеральнага дырэктара арганізацыі “АМКАДОР” - кіруючая кампанія холдынгу” па кадрах, ідэалагічнай рабоце і сацыяльным пытанням Таццяна МІХЕЕВА, начальнік упраўлення персаналам прадпрыемства “Атлант” Аляксандр ТАЎСТЫКА, рэктар Рэспубліканскага інстытута павышэння кваліфікацыі і перападрыхтоўкі Мінпрацы і сацабароны Алег ЛІСЕЙЧЫКАЎ, намеснік загадчыка кафедры эканомікі і кіравання інстытута Наталля ДОЛБІК і прадпрымальніца Эльвіра ПАЛУЯН.
Тэкст па выніках “круглага стала” чакайце ў адным з бліжэйшых нумароў “Звязды”.
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
