У інтэрнэце з'явіліся ролікі і паведамленні аб выкраданні мужчыны з Маларыцкага раёна, якое быццам бы здзейснілі пад пагрозай невядомыя.
Вось што паведаміў з гэтай нагоды начальнік аддзела інфармацыі і грамадскіх сувязяў Брэсцкага абласнога УУС Сяргей ДУЧЭНКА:
— Супрацоўнікі аддзела крымінальнага вышуку Брэсцкага РАУС і палка ППСМ УУС у прыватным доме вёскі Арлянка Маларыцкага раёна затрымалі 55-гадовага мужчыну. Ён знаходзіўся ў міждзяржаўным вышуку па абвінавачванні ў здзяйсненні насілля ў адносінах да супрацоўніка органаў унутраных спраў.
У час яго канваіравання ў Брэст аўтамабілі знаёмых і сваякоў сталі перашкаджаць руху службовага аўтамабіля. На сірэну, пробліскавыя маячкі, а таксама патрабаванне ўступіць дарогу вадзіцелі не рэагавалі. Для спынення транспарту аднаго з правапарушальнікаў супрацоўнік міліцыі выкарыстаў зброю. Ён выстраліў у паветра, але вадзіцель не зрэагаваў. Затым міліцыянер выстраліў у правае задняе кола і тым самым прымусіў машыну спыніць рух.
На месца здарэння прыбыла аператыўна-следчая група. Усе ўдзельнікі канфлікту ўстаноўлены. Зараз з імі працуюць следчыя СК, заведзена крымінальная справа.
Святлана ЯСКЕВІЧ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
