Вы тут

Танец, дзе мужчына павінен быць мужчынам


Аляксей Тарусаў і Настасся Уткіна — маладая сталічная пара. Хлопец з дзяўчынай кахаюць адно аднаго ўжо некалькі гадоў, удзень яны працуюць на звычайных работах, а ўвечары — танцуюць танга.

1386734768982_11-5

«Пазнаёміцца з танга — мая даўняя мара, — прызнаецца Аляксей. — Але я ўсё ніяк не мог здзейсніць яе: то часу не хапала, то яшчэ якія турботы не дазвалялі. Не так даўно я прапанаваў Настассі пайсці на экспрэс-курсы ў мінскую школу, дзе вучаць танцаваць танга. Яна пагадзілася». Так пачалася новая гісторыя маладой пары. Цяпер танцавальная.

«Танга — гэта танец-экспромт, ён вучыць разумець свайго партнёра на невербальным узроўні, без слоў, — дзеліцца асабістымі перажываннямі Настасся. — Шчыра кажучы, мы толькі пазнаёміліся з танга, а я ўжо адчуваю, што такі танцавальны вопыт добра адбіваецца на нашых адносінах».

Танга — танец жарсці, а змена партнёраў у ім — гэта не падстава для рэўнасці, а магчымасць навучыцца чамусьці новаму. Танцаваць доўгі час з адным партнёрам — гэта як размаўляць з ім: праз пэўны час ты ведаеш, што ён табе скажа, што зробіць у наступную хвіліну.

— Мне падабаецца танга, таму што ў гэтым танцы мужчына павінен быць мужчынам, яго абавязак — прымаць рашэнні, а жанчына ўпрыгожвае танец сваёй пяшчотай і пачуццямі — усё, як і ў звычайным жыцці, толькі больш эмацыянальна, — расказвае Аляксей.

Любоў Бяляева. Фота аўтара

Выбар рэдакцыі

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Палітыка

У Рэспубліцы Беларусь прайшоў асноўны дзень выбараў Прэзідэнта

У Рэспубліцы Беларусь прайшоў асноўны дзень выбараў Прэзідэнта

Сёлетнія выбары кіраўніка дзяржавы — шостыя па ліку.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.