Творы беларускіх пісьменнікаў увайшлі ў анталогію сусветнай дзіцячай літаратуры, выдадзеную ў Алматы.
Авут Масімаў — вядомы ўйгурскі пісьменнік. Жыве і працуе ў Алматы (Казахстан), дзе поруч з ім працуе невялікі атрад пісьменнікаў-суродзічаў. На тэрыторыі Казахстана, між іншым, пражывае 275 тысяч уйгураў. Агульная іх колькасць, увогуле ў свеце, — каля 13 мільёнаў. Болей усяго — у Кітаі: 12 мільёнаў 800 тысяч. Ва ўсім свеце развіваецца уйгурская нацыянальная літаратура.
Перакладчык і дзіцячы пісьменнік Авут Масімаў з’яўляецца аўтарам 14 кніг. Працаваў у розных казахстанскіх газетах, у часопісе «Арзу». Зусім нядаўна пісьменнік падрыхтаваў і выдаў на уйгурскай мове аўтарскую анталогію перакладаў твораў дзіцячых пісьменнікаў з розных краін свету «Было ці не было...» : Ханса Крысціяна Андэрсена, Шарля Перо, Гермініі Цур Мюлен, Сакарыяса Тапеліўса, Ангела Карайлічава, Газароса Агаяна, Бейсенбая Сулейменава. Поруч з казкамі пісьменнікаў Даніі, Францыі, Аўстрыі, Фінляндыі, Балгарыі, Арменіі, Казахстана ў кнігу ўвашлі і творы дзіцячых пісьменнікаў Беларусі — Кацярыны Хадасевіч-Лісавой, Людмілы Рублеўскай, Алеся Карлюкевіча.
Зборнік казак «Было ці не было...» выйшаў накладам 1000 экзэмпляраў. Зараз кніга распаўсюджваецца па ўсіх школах і гімназіях Казахстана, дзе вучоба вядзецца на уйгурскай мове.
Застаецца спадзявацца, што стасункі паміж беларускімі і ўйгурскімі літаратарамі будуць пашырацца і надалей. У многім гэтаму, акрамя Авута Масімава, спрыяе уйгурскі літаратуразнаўца доктар філалагічных навук Алімжан Хамраеў. Ён не аднойчы выступаў у беларускіх літаратурна-мастацкіх перыядычных выданнях.
Раман СЭРВАЧ
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.