Пра гэта заявіў дырэктар унітарнага прадпрыемства «Беларуснафта-Мінскаўтазапраўка» Аляксандр Драгун. Ён адзначыў, што фірмовая сетка «Беларуснафты» прадстаўлена 575 аўтазаправачнымі станцыямі — гэта больш за 65% ад колькасці ўсіх АЗС. Яны размешчаны прапарцыянальна, на асноўных трасах, у тым ліку міжнародных, прыгранічных пераходах, у абласных, раённых цэнтрах і ў сталіцы. Як сказаў Аляксандр Драгун, асноўныя крытэрыі іх сучасных АЗС — бяспека, якасць і камфорт для наведвальнікаў.
На АЗС кліентам прапаноўваецца шырокі спектр паслуг: крамы, кафэ, стаянкі легкавых і грузавых аўтамабіляў, пасты падпампоўкі шын, пыласосы, зарадка электрамабіляў, зарадка гаджэтаў, пляцоўкі для караванінгу, такія паслугі, як страхаванне, аплата праезду па платных дарогах Беларусі.
«Беларуснафта» актыўна ўдзельнічае ў аснашчэнні аб’ектаў прыдарожнага сэрвісу найноўшым абсталяваннем і актыўна вядзе работы па іх абнаўленні. Але новыя аб’екты, у асноўным, сёння не будуюцца. Ідзе рэканструкцыя аб’ектаў альбо мадэрнізацыя гандлёвых залаў. Па выніках мінулага года было рэканструявана 12 аб’ектаў. У гэтым годзе плануецца рэканструкцыя яшчэ 19. Гэта паўнавартасная замена старога аб’екта на новы. Таксама ў 2023 годзе мадэрнізавана больш за 20 гандлёвых залаў, у бягучым годзе ў планах — мадэрнізацыя яшчэ 10 аб’ектаў.
Акрамя таго, сёлета згаданае ўнітарнае прадпрыемства працягвае развіваць інфраструктуру для электрамабіляў. Такім чынам, на працягу гэтага года плануецца ўвесці 40 новых зарадных станцый, аснашчаных канектарам GB/T. Варта нагадаць, што сёння ў краіне функцыянуе 698 зарадных станцый «Беларуснафты»: хуткія зарадныя станцыі ў колькасці 564 адзінкі (Mode 4) і павольныя — 134 адзінкі (Mode 3). Яны размешчаны прапарцыянальна па ўсёй тэрыторыі краіны. З іх 383 знаходзяцца ў Мінску, у Мінскай вобласці — 49, Брэсцкай — 55, Віцебскай — 48, Гомельскай — 64, Гродзенскай — 62 і ў Магілёўскай — 37 зарадных станцый. Гэта дазваляе нашым аўтааматарам бесперашкодна падарожнічаць, перасоўвацца па тэрыторыі нашай краіны. «Таксама ёсць спецыяльны дадатак „Маланка“, праз які карыстальнік можа бачыць свабодныя аб’екты», — расказаў Аляксандр Драгун.
Эксперт адзначыў, што раней у Мінску быў уведзены ў эксплуатацыю суперхуткі зарадны комплекс. Ён стаў першым і ўнікальным у краінах СНД. На ім электрамабілі могуць зарадзіцца за 9 хвілін да 300 кіламетраў ходу. Там жа зараджаюцца і электробусы. Сёлета плануецца ўвесці тры суперхуткія комплексы — два на рэспубліканскіх трасах, а адзін у сталіцы нашай краіны.
Паводле слоў спецыяліста, сучасная АЗС — гэта не толькі месца, дзе можна заправіць аўтамабіль палівам. Гэта таксама рэалізацыя спадарожных тавараў, прадукцыі грамадскага харчавання, месца, дзе можна адпачыць у шляху. «У нашай сетцы АЗС больш за 450 крам, сумешчаных з кафетэрыямі. Асартымент тавараў прадстаўлены групай фастфудаў (хотдогі, сэндвічы), блінамі, гарачымі і ахаладжальнымі напоямі, а таксама стравамі беларускай кухні», — адзначыў ён.
Сяргей КУРКАЧ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
