Палац Незалежнасці 16 жніўня зноў сабраў гасцей, для якіх была арганізавана экскурсія. Такія падзеі сталі традыцыйнымі і нязменна праходзяць у шчырай і цёплай абстаноўцы. У гэты раз пазнаёміцца з Палацам Незалежнасці прыехалі прадстаўнікі Дзяржаўнага вытворчага аб’яднання «Беларуснафта». Для многіх з іх гэта першае наведванне сімвала беларускай дзяржаўнасці, і эмоцыі проста зашкальваюць ад убачанага і пачутага тут.
Палац Незалежнасці — частка патрыятычнага квартала ў Мінску, у які таксама ўвайшлі Беларускі дзяржаўны музей гісторыі Вялікай Айчыннай вайны і плошча Дзяржаўнага сцяга. У гэтым будынку праводзяцца не толькі афіцыйныя мерапрыемствы і пратакольныя сустрэчы. Палац Незалежнасці стаў універсальнай пляцоўкай для арганізацыі выстаў, маштабных прэзентацый, святаў для дзяцей і моладзі.
Традыцыйна экскурсія пачынаецца з самай вялікай залы ўрачыстых цырымоній, дзе праходзіць мноства важных мерапрыемстваў. Пераходзячы з залы ў залу, наведвальнікі не стамляюцца захапляцца ўбраннем залаў, якія сапраўды створаны дзякуючы таленту нашых суайчыннікаў. Пышныя люстры, эксклюзіўная мэбля, карціны, мазаіка з паркета і мноства выдатных дэталяў ствараюць асаблівую атмасферу ў кожнай зале палаца. Дарэчы, усяго ў палацы 20 асноўных залаў, дзе праходзяць найважнейшыя мерапрыемствы.
Палац Незалежнасці сапраўды стаў месцам гонару беларусаў. Яго пабудавалі за 30 месяцаў замест 58 запланаваных і ён на 90% выкананы беларускімі майстрамі з айчынных матэрыялаў. Што характэрна, у афармленні багата выкарыстоўваецца нацыянальны арнамент — у мастацкай роспісу сцен, столяў, у мазаіцы і метале. Першых высокіх гасцей палац прыняў у кастрычніку 2013 года, амаль 10 гадоў таму.
Безумоўна, наведванне Палаца Незалежнасці ў кожнага застанецца незабыўнай падзеяй, якая падарыла магчымасць яшчэ раз адчуць гонар за родную Беларусь, за сваіх таленавітых суайчыннікаў.
Данііл ХМЯЛЬНІЦКІ
Фота аўтара
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.