У правінцыі Цзянсу пабудавалі першую дэманстрацыйную зону «разумных» зарадных станцый

У правінцыі Цзянсу на ўсходзе Кітая завершана будаўніцтва першай у краіне дэманстрацыйнай зоны «разумных» зарадных станцый для электрамабіляў (NEV), перадае «Жэньмінь жыбаа» анлайн». 

Дзякуючы мадэрнізацыі праграмнага і апаратнага забеспячэння зараднай інфраструктуры новая дэманстрацыйная зона прадаставіць карыстальнікам эфектыўнае ўзаемадзеянне гарадскіх электрасетак, аўто на новых крыніцах энергіі і зарадных электрастанцый, а таксама павысіць эфектыўнасць выкарыстання зарадных прылад для NEV.

Дэманстрацыйная зона ахоплівае тры гарады ў правінцыі Цзянсу — Сучжоў, Усі і Чанчжоў. Тут функцыянуе 21 станцыя для зарада і замены акумулятараў электрамабіляў і амаль 300 зарадных калонак. Абапіраючыся на інтэлектуальныя алгарытмы, сістэма ўсебакова ацэньвае фактычную колькасць свабодных месцаў на станцыях для зарада, кошт падзарада, час чакання ў чарзе і іншую інфармацыю і прапануе ўладальніку аптымальны план. Уладальнікам NEV трэба толькі ўвесці ў дадатак на смартфоне пункт прызначэння, далёкасць ходу і ёмістасць акумулятара, каб даведацца, калі і дзе будзе лепш за ўсё падзарадзіць электрамабіль. Згодна з падлікамі, са з’яўленнем дэманстрацыйнай зоны сярэднямесячны час чакання аўтаўладальнікаў у чарзе для зарада аўто можа быць скарочаны амаль напалову. Завяршэнне будаўніцтва дэманстрацыйнай зоны ў Цзянсу прадаставіць уладальнікам электрамабіляў больш інтэлектуальныя, эфектыўныя і зручныя магчымасці зарадкі і замены акумулятараў.

Як вядома, да канца мінулага года колькасць уладальнікаў NEV у Кітаі перавысіла 20 мільёнаў машын, а колькасць новых зарэгістраваных аўто на новых крыніцах энергіі ў 2023 годзе павялічылася на 38,7 працэнта ў гадавым вылічэнні. Зыходзячы з гэтых тэмпаў росту, чакаецца, што да канца 2025 года агульная колькасць NEV у Кітаі ўзрасце да 35 мільёнаў аўто.