У скверы «Старосцінская Слабада» каля набярэжнай Воінаў-інтэрнацыяналістаў 28 кастрычніка залажылі пятую алею ў гонар 35-годдзя вывада савецкіх войскаў з Афганістана.
У пасадцы алеі прынялі ўдзел прадстаўнікі Мінскай гарадской арганізацыі ветэранаў вайны ў Афганістане «Памяць», ветэранскіх і грамадскіх аб’яднанняў, устаноў адукацыі, члены РГА «Белая Русь» і БРСМ, выхаванцы Мінскага сувораўскага ваеннага вучылішча.
У сталіцы жывуць 4028 воінаў-інтэрнацыяналістаў, у тым ліку 3599 удзельнікаў вайны ў Афганістане. Атрымалі раненні і кантузіі на афганскай зямлі 210 чалавек, 123 сталі інвалідамі. Баявымі ордэнамі і медалямі за мужнасць і гераізм узнагароджаны 1292 чалавекі. У Афганістане загінула 84 мінчаніны, адзін згінуў без весткі. У Мінску жывуць 64 члены сем’яў загінулых воінаў-інтэрнацыяналістаў, — падзялілася інфармацыяй прадстаўнік адміністрацыі грамадскага аб’яднання «Беларускага саюза ветэранаў вайны ў Афганістане».
Старшыня Мінскай гарадской арганізацыі ветэранаў вайны ў Афганістане «Памяць» грамадскага аб’яднання «Беларускі саюз ветэранаў вайны ў Афганістане» Уладзімір Шокаў павіншаваў удзельнікаў мерапрыемства з юбілейнай датай.
– Пры падтрымцы органаў улады разам з іншымі грамадскімі аб’яднаннямі патрыятычнай накіраванасці мы працягваем уладкоўваць набярэжную Воінаў-інтэрнацыяналістаў, — расказаў старшыня Мінскай гарадской арганізацыі ветэранаў вайны ў Афганістане «Памяць» Уладзімір Шокаў. — Плануем размясціць тут малыя архітэктурныя формы, спартыўныя зоны з трэнажорамі і пляцоўку для дзяцей, зрабіць набярэжную месцам для адпачынку і сустрэч ветэранаў і моладзі, — дапоўніў ён.
Кацярына УРБАН
Фота аўтара
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.