Вы тут

Тыдзень бэзу стартаваў у Цэнтральным батанічным садзе


У маі знакаміты бэзавы сад становіцца самай маляўнічай і прывабнай для наведвальнікаў экспазіцыяй. Усяго тут прадстаўлены звыш за 200 сартоў бэзу, якія адрозніваюцца паміж сабой афарбоўкай, пабудовай і памерамі кветак і суквеццяў, тэрмінамі і працягласцю цвіцення. У пачатку мая квітнеюць 12 ранніх сартоў, а завяршаюць парад у чэрвені 16 позніх гатункаў групы валасістага бэзу.


У калекцыі ёсць сарты селекцыянераў з Расіі, Украіны, Германіі, Галандыі, ЗША і Канады і 23 сарты селекцыі Цэнтральнага батанічнага саду, але аснову складаюць класічныя сарты французскай селекцыі, створаныя фірмай Лемуан.

У гэтым годзе, улічваючы аб’ектыўныя абставіны, якія склаліся, традыцыйныя сустрэчы з навуковымі супрацоўнікамі батанічнага саду і кансультацыі наведвальнікаў з куратарам калекцыі бэзу — кандыдатам біялагічных навук Наталляй Віктараўнай Македонскай — пройдуць у рэжыме анлайн. У Цэнтральным батанічным садзе чакаюць водгукаў, меркаванняў, прапаноў і пытанняў, на якія абяцаюць абавязкова адказаць. Звязацца можна праз сацыяльныя сеткі або сайт навуковай установы.

А 23 мая на сайце Цэнтральнага батанічнага саду будзе размешчаны відэапост, дзе куратар калекцыі бэзу Наталля Македонская адкажа на самыя папулярныя пытанні па агратэхніцы вырошчвання і доглядзе за бэзам.

e-mail: botsad2010@mail.ru
сайт: cbg.org.by
instagram: www.instagram.com/botanicalgardenminsk
facebook: www.facebook.com/BotanicalGardenMinsk
vk: www.vk.com/botanicalgardenminsk

Надзея НІКАЛАЕВА

Фота Таццяны Ткачовай

Выбар рэдакцыі

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.