У сталічнай галерэі Леаніда Шчамялёва з 6 мая пачне працаваць выстаўка жывапісу «Салют Радзіме», прысвечаная 75-годдзю Перамогі ў Вялікай Айчыннай вайне.
«Тэма мастацкага летапісу Вялікай Айчыннай вайны ў выяўленчым мастацтве Беларусі — асаблівая тэма, якая нікога не можа пакінуць раўнадушным і ніколі не страціць сваёй хвалюючай сілы. З першых дзён вайны мастакі разам з усім народам сталі ў шэрагі абаронцаў сваёй Радзімы. Яны служылі ў розных родах войск, мелі розныя вайсковыя званні і спецыяльнасці, але кожны з іх выконваў цяжкую, небяспечную працу, якую адводзіла яму вайна, — падкрэсліваюць арганізатары выстаўкі. — У творах франтавікоў шчырасць і боль, сапраўднасць пачуццяў выяўленыя ў кожнай рысе, у кожным штрыху, намаляваным, здаецца, не рукой, а аголеным нервам...»
Уласна, да плеяды мастакоў-франтавікоў належыць і Леанід Шчамялёў, які ў снежні 1941-га быў мабілізаваны ва ўзросце 18 гадоў, служыў у пяхоце і кавалерыі, быў цяжка паранены ў баі пад Мазыром, але прайшоў усю вайну і стаў адным з першых мастакоў у СССР, хто паказваў вайну без гераічнага пафасу — такой, якой яе бачыў і запомніў.
На выстаўцы «Салют Радзіме», зладжанай як даніна павагі і ўдзячнасці героям вайны, якія цаной уласнага жыцця разам з усім народам абаранялі родную краіну і перамаглі, прадстаўленыя творы 97-гадовага майстра з фондаў Нацыянальнага мастацкага музея Беларусі — «Салют Радзіме», «Ветэран нашага двара», «Акупацыя» і іншыя, а таксама з фондаў Нацыянальнага гістарычнага музея — «Музыканты 1941 года (памяці Георгія Свірыдава)», Беларускага саюза мастакоў — «Генерал Леў Даватар», «Першы дзень міру», калекцыя твораў майстра з Музея гісторыі горада Мінска. Экспазіцыя будзе працаваць да 5 ліпеня.
Вікторыя ЗАХАРАВА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
