Вы тут

550 кілаграмаў гераіну канфіскавалі ў Беларусі


На мінулых выходных стала вядома, што беларускія праваахоўнікі канфіскавалі самую вялікую партыю гераіну за ўсю гісторыю Беларусі. Арганізаваная злачынная група выкарыстоўвала нашу краіну ў якасці перавалачнай базы паміж Афганістанам і Еўрасаюзам.


Некалькі замежнікаў былі затрыманы ў сталіцы. У Мінску яны арандавалі складское памяшканне ў Заводскім раёне, дзе, уласна кажучы, і захоўваўся наркотык.

Падрабязнасці на брыфінгу распавёў начальнік галоўнага ўпраўлення па наркакантролі і супрацьдзеянні гандлю людзьмі МУС Беларусі Генадзь Казакевіч.

— Для кантрабанды злачынцы выкарыстоўвалі так званы «паўночны» маршрут, які пралягае праз шэраг краін СНД. Аператыўнікі канфіскавалі амаль 550 кілаграмаў гераіну. Яго кошт на «чорным» рынку перавышае 50 мільёнаў еўра. З такога аб’ёму можна было прыгатаваць амаль 2 з паловай мільёны разавых доз. Пастаўка наркотыка ажыццяўлялася пад прыкрыццём камерцыйнай дзейнасці. Далейшая транспарціроўка ў Еўрасаюз мусіла праходзіць пад відам мэблі.

Следчы камітэт распачаў крымінальную справу па частцы 3 артыкула 328 Крымінальнага кодэкса. Абвінавачаныя змешчаны пад варту.

— Існуюць тры асноўныя маршруты кантрабанды гераіну ў Заходнюю Еўропу, — працягвае Генадзь Казакевіч. — Акрамя «паўночнага», існуе таксама «балканскі» і «паўднёвы» — транзітам праз Пакістан у многія краіны свету. Самыя буйныя спажыўцы гераіну — ЗША, краіны Афрыкі і Заходняй Еўропы, перш за ўсё Вялікабрытанія, Францыя, Германія і скандынаўскі рэгіён. Беларусь жа падвяргаецца знешняй наркапагрозе як з захаду, так і з усходу. Яна непасрэдна ўплывае і на ўнутраную сітуацыю. Частка транзітных наркотыкаў асядае ў нашай краіне.

Сёлета наркакантроль выявіў і ліквідаваў 28 каналаў нелегальных паставак забароненых рэчываў.

Валяр’ян ШКЛЕННІК

Выбар рэдакцыі

Эканоміка

Энергія смецця, якасць вады і зніжэнне затрат удвая. Камунальнікі і навукоўцы абмеркавалі ўплыў інавацый на жыццё галіны

Энергія смецця, якасць вады і зніжэнне затрат удвая. Камунальнікі і навукоўцы абмеркавалі ўплыў інавацый на жыццё галіны

Святлодыёды са шматслойнымі нанаплёнкамі, якія мяняюць колер у залежнасці ад часу сутак і падстройваюцца пад біярытм чалавека...

Спорт

Сёлета футбольнаму клубу «Віцебск» спаўняецца 60 гадоў

Сёлета футбольнаму клубу «Віцебск» спаўняецца 60 гадоў

«У юбілейны сезон хацелася сур'ёзна адзначыць дзень нараджэння. Але пандэмія каранавіруса ўнесла свае карэктывы».

Эканоміка

 Фiнансiстам патрэбны банкноты — прымаюць любыя. Банкi гарантуюць, што захаваюць нашы грошы

Фiнансiстам патрэбны банкноты — прымаюць любыя. Банкi гарантуюць, што захаваюць нашы грошы

Фiнансавыя паслугi адзiн аднаму людзi аказваюць ужо тысячы гадоў.