Вы тут

Гамяльчане, якія перасоўваюцца на калясках, правялі трэнінг для кіроўцаў аўтобусаў


Гамяльчане, якія маюць інваліднасць і перасоўваюцца на калясках, правялі трэнінг для кіроўцаў аўтобусаў. Ён прайшоў у аўтобусным парку № 6 у межах праекта «Даступнае асяроддзе — інклюзіўная Беларусь».


Каля 30 кіроўцаў практыкаваліся ў дапамозе калясачнікам на аўтобусе з нізкай падлогай. Такіх у гэтым аўтапарку — чвэрць. Папярэдне ўключылі гідраўліку і апусцілі апарэль. Інваліды-спінальнікі прадэманстравалі, якім чынам яны заязджаюць у аўтобус. Таксама расказалі, як правільна закаціць і выкаціць калясачніка па нахільнай платформе, і агучылі асноўныя памылкі і меры бяспекі пры гэтых дзеяннях. Прапанавалі таксама занесці чалавека на калясцы ў транспартны сродак.

Каб навучанне было больш паспяховае, ахвотнікаў з кіроўцаў садзілі ў каляску, каб тыя паспрабавалі самастойна заехаць у транспарт. Як высветлілася, гэта зусім няпроста. Спінальнік і спартсмен Аляксандр Цімафееў кажа:

— Нават самым трэніраваным часам нялёгка, што казаць пра дзяўчыну ці чалавека сталага ўзросту. Паколькі ў нас не паўсюдна абсталяваны прыпынкі па дзяржстандартах, нават мне часам даводзіцца чакаць, каб хтосьці дапамог.

Дарэчы, большасць кіроўцаў аўтобусаў ведае, як дапамагаць людзям з фізічнымі асаблівасцямі. Напрыклад, Мікалай Пшонаў, які ездзіць па маршруце № 25, за адзінаццаць гадоў не раз заносіў калясачнікаў у транспарт:

— Наогул, калі сярод пасажыраў ёсць слабыя людзі ці калясачнікі, кандуктар даведваецца загадзя, дзе яны выходзяць, і паведамляе. У такім выпадку даўжэй стаю на прыпынку і дапамагаю выйсці.

Аналагічныя трэнінгі з кіроўцамі аўтобусаў і тралейбусаў інструктары Гомельскага абласнога грамадскага таварыства «Інваліды-спінальнікі» праводзяць штогод.

Ірына АСТАШКЕВІЧ

Загаловак у газеце: Трэнінг для кіроўцаў

Выбар рэдакцыі

Грамадства

Конкурс прафесiйнага майстэрства WorldSkills Belarus 2020 прайшоў у Мiнску

Конкурс прафесiйнага майстэрства WorldSkills Belarus 2020 прайшоў у Мiнску

Конкурс прафесiйнага майстэрства WorldSkills Belarus 2020 прайшоў у Мiнску ў Індустрыяльным парка «Вялiкi камень» з грандыёзным размахам. 

Культура

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

Пра калег — настаўнiкаў, старэйшых таварышаў, паплечнiкаў распавядае доктар педагагiчных навук, прафесар матэматыкi, заслужаны дзеяч навукi Рэспублiкi Беларусь.

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.