Вы тут

Якія этнаграфічныя скарбы хавае Веткаўскі раён?


Бадай кожны населены пункт у Веткаўскім раёне дае падставу для вывучэння культурнай спадчыны. Больш за 30 гадоў акумулюе народную спадчыну Веткаўскі музей стараабрадніцтва і беларускіх традыцый імя Ф. Р. Шклярава. Штогод з яго ўнікальнымі калекцыямі знаёмяцца да васьмі тысяч чалавек, якія прыязжаюць не толькі з Беларусі — з усяго свету.


Нездарма сюды завіталі і ўдзельнікі Гомельскага абласнога семінара-нарады, прысвечанага ўзаемадзеянню мясцовых органаў улады ў пытаннях захавання культурнай спадчыны і народных традыцый, добраўпарадкавання тэрыторый і навядзення парадку на зямлі.

Пасля чарнобыльскай катастрофы Веткаўскі раён страціў амаль 60 вёсак і разам з імі пэўную частку гістарычнай спадчыны. Але тут захавалі традыцыі, якія на працягу стагоддзяў уласцівыя менавіта згаданаму рэгіёну. Дарэчы, гэта яшчэ адна падстава для развіцця турызму.

Прыцягвае паломнікаў на Веткаўшчыну і ўключаны ў спіс гісторыка-культурных каштоўнасцяў Беларусі храм Свяціцеля Мікалая Цудатворца ў вёсцы Жалезнікі. Ён быў пабудаваны 155 гадоў таму. У 1930-м царкву закрылі — працяглы час тут знаходзіліся сельскагаспадарчыя склады. У 2006-м, пасля завяршэння капітальнага рамонту, храм зноў адчыніў дзверы.

Бытавыя танцы, народныя абрады, старажытныя іконы і ручнікі... У Ветцы, Свяцілавічах, Стаўбуне і Неглюбцы дэпутаты Гомельскага абласнога, раённых, сельскіх Саветаў пазнаёміліся з цэлым пластом самабытнай культуры і вырашылі, што вопыт па захаванні народных традыцый варты для распаўсюджвання.

Ірына АСТАШКЕВІЧ

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.