У рэйтынгу продажаў «Белкнігі» (а гэта больш за 100 гандлёвых пунктаў) за пяць першых месяцаў 2019 года лідарам сярод беларускіх класікаў стаў Уладзімір Караткевіч.
Размова — пра кнігі выдання 2017—2018 гадоў: «Дзікае паляванне караля Стаха» (выдавецтваў «Попурри» і «Беларусь»), «Чорны замак Альшанскі», «Хрыстос прызямліўся ў Гародні» і «Дикая охота короля Стаха» ў перакладзе на рускую. «Дзікае паляванне...» выдавецтва «Попурри» набылі 132 пакупнікі, а «Чорны замак Альшанскі» гэтага ж выдавецтва ўдалося прадаць у колькасці 99 асобнікаў. За пяць месяцаў было прададзена 399 экзэмпляраў пяці кніг Уладзіміра Караткевіча.
Для параўнання: выдадзены ў 2019 годзе раман папулярнай беларускай пісьменніцы Наталлі Батраковай «Бясконцасць кахання, бясконцасць смутку» (кніга другая) рэалізаваны «Белкнігай» у колькасці 635 асобнікаў. У рэйтынгу продажаў з 45 кніг (ад 635 экзэмпляраў «лідара продажаў» да 38 экзэмпляраў зборніка «Выбранае» Івана Ласкова) восем кніг Наталлі Батраковай.
Мікола Берлеж
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.