Вы тут

Інтэрнацыянальнае шэсце, горад майстроў, кулінарныя паядынкі


28 чэрвеня ў Бабруйску стартуе XV Міжнародны фестываль народнай творчасці «Вянок дружбы». Які плаўна перацячэ ў Дзень горада.


На працягу трох дзён з 28 па 30 чэрвеня Бабруйск стане своеасаблівай сталіцай Дружбы. Асаблівасць фестывалю ў тым, што ён папулярызуе лепшыя традыцыі і дасягненні нацыянальнай, а таксама сусветнай культуры і мастацтва. Яго ўдзельнікі дэманструюць самабытныя народныя песні і танцы, культурныя здабыткі і традыцыі. У юбілейным фэсце прыме ўдзел 22 калектывы з 17 краін свету. Упершыню будзе прадстаўлена творчасць Аргенціны, Узбекістана, Карэі. Артысты прымуць удзел у конкурсе «Вянок, як сімвал фестывалю — у падарунак фэсту», урачыстым адкрыцці і закрыцці форума, святочным тэатралізаваным шэсці, вечары дружбы з прэзентацыяй нацыянальных пачастункаў. Яны таксама выступяць са сваімі канцэртнымі праграмамі на прадпрыемствах горада і раённых пляцоўках, пазнаёмяцца з мясцовымі славутасцямі.

  • У выставе-кірмашу «Горад майстроў» прымуць удзел каля 330 умельцаў з усіх куткоў Беларусі, прыязджаюць нават прадстаўнікі з Украіны. Пасля свята фестывальныя экспанаты папоўняць фонды Бабруйскага краязнаўчага музея.

Сімвалічна, што 29 чэрвеня Бабруйск адзначае Дзень горада. Гэта дадасць агульнаму святу шмат прыгожых фарбаў і дадатковых пляцовак. Традыцыйна папулярна у гараджан і гасцей горада пляцоўка, дзе адбываецца фестываль ежы «Запрашаем смачна есцi!» Незвычайнасць яго ў тым, што стравы на свежым паветры гатуюць кіраўнікі бабруйскіх прадпрыемстваў. А дэгуставаць іх можна бясплатна, або за сімвалічную плату, грошы потым перадаюць на дабрачынныя рахункі горада. У гэты ж дзень з а паловы чацвёртай і да позняга вечара для бабруйчан і гасцей будуць спяваць і танцаваць на адкрытай пляцоўцы на плошчы Леніна удзельнікі фестывалю «Вянок дружбы». Потым іх зменяць артысты беларускай эстрады і ўсё завершыцца святочным салютам.

— Міжнародны фестываль народнай творчасці «Вянок дружбы» з’яўляецца брэндам Бабруйска, адным з яркіх і самабытных фестываляў Магілёўскай вобласці, — адзначае начальнік аддзела культуры Бабруйскага гарвыканкама Вадзім Шчэрбіч. — Удзел творчых дэлегацый у фестывалі дазволіла стварыць больш дружыя ўзаемаадносіны з нашымі суседзямі. Сёння расійскія гарады Наро-Фамінск, Уладзімір і Колпіна, а таксама славацкі Пухаў і латышскі Даўгаўпілс з’яўляюцца гарадамі-партнёрамі Бабруйска. Урачыстае адкрыццё алеі гарадоў-партнёраў адбудзецца як раз падчас святкавання Дня горада. Фестываль добра папулярызуе Бабруйск і ў цэлым Беларусь за межамі краіны. Дастаткова ўзгадаць, што за 15 гадоў яго існавання на канцэртных пляцоўках горада выступілі каля 300 калектываў з агульнай колькасцю больш чым 8,5 тысяч артыстаў з 43 краін свету.

Нэлі ЗІГУЛЯ

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.