Вы тут

Выйшаў зборнік паэтычных твораў, прысвечаных тэме Вялікай Айчыннай вайны


У серыі «100 вершаў» выдавецтва «Мастацкая літаратура» — новая кніга: зборнік паэтычных твораў, прысвечаных тэме Вялікай Айчыннай вайны.


Сапраўднай анталогіяй болю, драматычных падзей, памяці пра гераічнае і трагічнае мінулае можна смела назваць зборнік «Памяці вечны агонь» (укладальнік — знакаміты сучасны паэт Віктар Шніп). Сто твораў, якія ўвайшлі ў кнігу, — адлюстраванне думак, болю, памкненняў, якія кіравалі свядомасцю, сардэчнымі перажываннямі народа Беларусі, нашых дзядоў і прадзедаў. «Мы хадзіць вучыліся, калі/ На граніцы роты заляглі./ Ад цямна шалела да цямна/ Кулямі і бомбамі вайна./ Нас не песціў калыханкай час./ Забівалі і палілі нас», — чытаем у вершы лаўрэата Дзяржаўнай прэміі Рэспублікі Беларусь Уладзіміра Карызны «Мы родам з вайны». Уся Беларусь, уся наша Айчына — родам з Вялікай Айчыннай...

У кнізе — вершы, якія можна лічыць гонарам беларускай паэзіі: «У стоптаным жыце» Міколы Сурначова, «Сланечнік з прабітай галавой» Анатоля Вялюгіна, «Балада аб чатырох заложніках» Аркадзя Куляшова, «Трасцянец» Уладзіміра Караткевіча, «Балада пра мінёраў» Генадзя Бураўкіна, «Бацьку» і «Партызанскі ўрок» Рыгора Барадуліна... Выдатна, што кніга выйшла да Дня Вялікай Перамогі. Несумненна, яе варта ўзяць у рукі ўсім, хто рупіцца пра выхаванне ў моладзі, падлеткаў паважлівых уяўленняў пра гераічнае мінулае нашай краіны, пра лёс Беларусі як аплоту міралюбства і сцвярджэння ідэалаў дабрыні, справядлівасці.

Ілюстрацыямі да кнігі «Памяці вечны агонь» служаць карціны мастакоў Івана Ахрэмчыка, Леаніда Дударэнкі, Мікалая Казакевіча, Альгерда Малішэўскага, Арлена Кашкурэвіча, іншых творцаў, якія намалявалі, выклалі свой мастацкі партрэт Беларусі ў перыяд Вялікай Айчыннай вайны.

Мікола БЕРЛЕЖ

Загаловак у газеце: «Мы родам з вайны...»

Выбар рэдакцыі

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад. 

Грамадства

Ці заўсёды выгадна афармляць бальнічны

Ці заўсёды выгадна афармляць бальнічны

Сярод знаёмых у мяне ёсць шмат жанчын, якія звяртаюцца да ўрача пры любым занядужанні і пры кожнай магчымасці афармляюць бальнічны ліст. 

Культура

Чаму сучаснае беларускае кіно «невялікае»?

Чаму сучаснае беларускае кіно «невялікае»?

Пісьменнік і дысідэнт Андрэй Сіняўскі, калі расказваў пра ўтрыраваную дробязнасць савецкай «цывілізацыі», прывёў у прыклад аповесць Міхаіла

Грамадства

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Аб гэтым заявіў старшыня Савета Рэспублікі Міхаіл Мясніковіч на сустрэчы са старшынёй Савета Федэрацыі Валянцінай Мацвіенка.