Вы тут

10 сакрэтаў ураджайнай цыбулі


Сакрэт першы

Цыбуля не любіць гліністую глебу. Калі ў вас такая, трэба на градку абавязкова насыпаць пяску і торфу, усё перамяшаць. А яшчэ патрэбна слабашчолачная глеба. Калі ў вас кіслая, абавязкова з восені (вясной гэта рабіць позна) трэба ўнесці даламітавую муку для раскіслення.

Сакрэт другі

Пры пасадцы сеянкі трэба апусціць яе хвілін на 10—20 у раствор марганцоўкі для абеззаражання пасадачнага матэрыялу.

Сакрэт трэці

Затым трэба абрэзаць верхавінку, каб цыбуля хутка прарасла.

Сакрэт чацвёрты

У радок пры пасадцы насыпаць крыху звычайнай солі. Дапаможа ў барацьбе з цыбульнай мухай.

Сакрэт пяты

Побач з градкай цыбулі абавязкова пасадзіце градку з морквай, якая зноў жа адпудзіць цыбульную муху. А цыбуля, у сваю чаргу, адпуджвае маркоўную муху. Так бы мовіць, карысць узаемная.

Сакрэт шосты

Зрабіце тры падкормкі. Першую ў фазе двух лісточкаў: гнаявая жыжка (1 л гною на вядро вады) або курыны памёт (адну шклянку на вядро вады) + 30—40 г суперфасфату, папярэдне растворанага ў цёплай вадзе, + шклянка попелу. Другую падкормку зрабіце праз два тыдні: суперфасфат — 30 г + мачавіна 10 г + калій 5 г на вядро вады. Трэцюю — у канцы чэрвеня: суперфасфат 30 г + мачавіна 10 г + калій 5 г.

Калі будзеце падкормліваць у пачатку ліпеня — азот (мачавіну) выключыце.

Ні ў якім разе не дапускайце лішку азотных угнаенняў: будзе добрае пяро, а галоўкі пацерпяць.

З калійных угнаенняў лепш за ўсё падыдзе сернакіслы калій, бо цыбуля патрабавальная да серы. Ад калію залежыць захаванасць цыбулі. Калій ёсць і ў попеле.

Сакрэт сёмы

Ні ў якім разе не ўжывайце ў падкормках свежы гной і хлорысты калій (калі яго і ўносіць, то толькі з восені) — адразу ж зменшыце свае ўраджаі. Не грэбуйце фосфарам — ад яго шмат у чым залежыць велічыня цыбулін.

Сакрэт восьмы

Вельмі важны, бо ўсе мы хочам, каб цыбуля захоўвалася як мага даўжэй. Для гэтага яе неабходна ўбіраць своечасова, а менавіта да першых жнівеньскіх дажджоў. Лепш за ўсё — у канцы ліпеня. Спозніцеся — падмочыце не толькі сваю цыбулю, але і рэпутацыю добрага агародніка — ужо нішто не дапаможа захаваць цыбулю сапраўды доўга.

Сакрэт дзявяты

Вядома ж, трэба як мага лепш прасушыць цыбулю на гарышчы, дзе гуляе вецер. Затым зняць усю засохлую гразь, адрэзаць сухое пяро, пакінуўшы 8—10 см.

Сакрэт дзясяты

А яшчэ трэба час ад часу перабіраць цыбулю. Калі раптам сапсуецца хоць бы адна — ад яе пачнуць псавацца і іншыя. Лепш за ўсе цыбуля захоўваецца ў папяровых мяшках у сухім месцы.

Выбар рэдакцыі

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад. 

Грамадства

Ці заўсёды выгадна афармляць бальнічны

Ці заўсёды выгадна афармляць бальнічны

Сярод знаёмых у мяне ёсць шмат жанчын, якія звяртаюцца да ўрача пры любым занядужанні і пры кожнай магчымасці афармляюць бальнічны ліст. 

Культура

Чаму сучаснае беларускае кіно «невялікае»?

Чаму сучаснае беларускае кіно «невялікае»?

Пісьменнік і дысідэнт Андрэй Сіняўскі, калі расказваў пра ўтрыраваную дробязнасць савецкай «цывілізацыі», прывёў у прыклад аповесць Міхаіла

Грамадства

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Аб гэтым заявіў старшыня Савета Рэспублікі Міхаіл Мясніковіч на сустрэчы са старшынёй Савета Федэрацыі Валянцінай Мацвіенка.