Вы тут

Рэалістычныя робаты атрымаюць мяккія цягліцы


Група даследчыкаў са Школы інжынерыі і прыкладных навук Калумбійскага ўніверсітэта распрацавала новы тып сінтэтычных мяккіх цягліц, вырабляць якія можна з дапамогай тэхналогіі 3D-друку. Матэрыял атрымаўся вельмі трывалы і здольны вытрымліваць вагу, якая ў 1000 разоў пераўзыходзіць яго ўласную, а мяжа яго энергіі пругкай дэфармацыі (расцяжэння) у 15 разоў вышэйшая ў параўнанні з тканінамі сапраўдных цягліц.


Матэрыял не патрабуе выкарыстання вонкавай крыніцы для кіравання ціскам, што часта сустракаецца ў іншых існуючых рашэннях, якія абапіраюцца на энергію пнеўматычнай або гідраўлічнай інфляцыі (надзімання). Гэтыя кампаненты, як правіла, займаюць шмат месца, што робіць іх нязручнымі ў выкарыстанні пры стварэнні машын. Асновай сінтэтычных цягліц служыць сіліконавы каўчук, які мае кіпрую структуру з запаўненнем этанолам. Матэрыял прыводзіцца ў работу з дапамогай электрычнага току малой магутнасці.

Сін­тэ­тыч­ная цяг­лі­ца пе­рад і пас­ля пры­вя­дзен­ня ў дзе­ян­не.

Новыя сінтэтычныя цягліцы могуць прынесці вялікую карысць у сферы распрацоўкі і вытворчасці так званых мяккіх ці рэалістычных робатаў (вельмі падобных на людзей ці іншых жывых істот). За апошнія гады назіраецца велізарны прагрэс у стварэнні машын, надзеленых магчымасцю выконваць мноства тонкіх пастаўленых задач, але застаецца яшчэ мноства дзеянняў, выконваць якія цвёрдыя робаты не могуць. Дзеянні, звязаныя з захопам аб'ектаў і маніпуляцыяй імі, патрабуюць наяўнасці пэўнага ўзроўню спрыту і гнуткасці, забяспечыць які цяперашнія тэхналогіі не ў стане. Новыя ж матэрыялы дазволяць ствараць робатаў, здольных маніпуліраваць мяккімі і маленькімі аб'ектамі, не наносячы ім пашкоджанняў. Машыны, якія выкарыстоўваюць падобныя тэхналогіі, змогуць забяспечваць надзейную дапамогу чалавеку ў працы ў сітуацыях, дзе патрабуюцца далікатныя дзеянні, напрыклад, у медыцыне. Таксама магчыма выкарыстанне падобных матэрыялаў у пратэзах новага пакалення.

Іван Купарвас

hvir@zviazda.by

Выбар рэдакцыі

Грамадства

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

У пачатковы перыяд Вялiкай Айчыннай вайны зацятыя баi разгарнулiся пры абароне Барысава — старадаўняга беларускага горада на Бярэзiне. 

Грамадства

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

«Лічбавыя жулікі», якія здымаюць грошы з чужых банкаўскіх карт, звычайна маскіруюцца пад інтэрнэт-рэсурсы, вартыя даверу.