Турыст з Бразіліі так стараўся зрабіць удалае сэлфі са статуяй XVІІІ стагоддзя ў Нацыянальным музеі старажытнага мастацтва ў Лісабоне, што выпадкова разбіў яе. Мужчына так блізка падышоў да статуі архангела Міхаіла, што яна ўпала і раскалолася на некалькі частак.
Адзін з наведвальнікаў музея сфатаграфаваў разбіты твор мастацтва і выклаў здымак у Facebook, напісаўшы: «Такая цана бясплатнага ўваходу ў музей у першую нядзелю кожнага месяца». Намеснік дырэктара Хасэ Альберта Карвальё прызнаўся, што з падобным інцыдэнтам ён сутыкнуўся ўпершыню. Паводле ацэнак экспертаў, прычыненая статуі шкода з'яўляецца непапраўнай. Яшчэ ў верасні Карвальё скардзіўся ўладам на недахоп работнікаў музея: «У нас усяго 64 наглядчыкі на 84 залы. Я проста ўпэўнены, што ў любы момант можа здарыцца бяда. І гэта адбудзецца, таму што мы нядбала ставімся да нашай спадчыны».
Іван КУПАРВАС
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
