Больш за 50 лялек, якія прадстаўляюць 47 краін, можна будзе ўбачыць на выставе «Жанчыны свету ў нацыянальнай вопратцы».
Яна адкрыецца 4 сакавіка ў Беларускім дзяржаўным універсітэце (праспект Незалежнасці, 4) а 14-й гадзіне. У экспазіцыю ўвойдуць экспанаты, сабраныя з асабістых калекцый супрацоўніц БДУ, а таксама прадастаўленыя Цэнтрам японскай культуры Мінска. Усе ахвотныя змогуць прайсці майстар-клас па вырабе абрадавых лялек. У прыватнасці, будзе прадэманстравана лапікавая тэхніка стварэння лялькі-абярэгу «Желанница». Лічыцца, што тканевыя фігуркі надзеленыя сілай і здольныя прыцягваць дастатак, любоў і поспех. Для ўдзелу ў «марафоне» па вырабе лялек наведвальнікам неабходна прынесці шматкі чырвонай або стракатай тканіны і ваўняныя яркія ніткі.
Экспазіцыя будзе працаваць да 11 сакавіка ўключна з 10.00 да 16.00 (акрамя 6, 7, 8 сакавіка). Уваход бясплатны.
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.