Праекты, прысвечаныя пошуку і падтрымцы маладых перспектыўных выканаўцаў, даўно ўжо зрабіліся неад'емнай часткай эфіраў тэлеканала АНТ. Цяпер да гэтага руху далучылася і аднайменная радыёстанцыя, якая прапанавала спеваку Аляксею Гросу новы фармат супрацоўніцтва — стаць у 2015 годзе жывым увасабленнем PR-кампаніі «Радыё АНТ», што пазіцыянуе сябе таксама як «Першае мужчынскае радыё».
Як адзначае кіраўніцтва радыёстанцыі, падобны вопыт абяцае стаць цікавым і для вяшчальніка, і для самога артыста: «Аляксей дынамічны, абаяльны, лёгкі на пад'ём і, на нашу думку, здольны дабавіць энергетыкі не толькі PR-кампаніі, але і эфіру «Радыё АНТ» у цэлым». Першы тэлевізійны промаролік, пабудаваны на кантрасце стыльных чорна-белых здымак і сонечнага аранжавага колеру і заклікае аўдыторыю ўзгадаць пра самыя яркія моманты ў жыцці кожнага чалавека, ужо з'явіўся ў эфіры. Надалей, як абяцае творчая каманда радыё і тэлебачання, будзе яшчэ шмат сюрпрызаў — і не толькі ў Мінску і Наваполацку, дзе вяшчае радыёстанцыя.
Вікторыя ЦЕЛЯШУК
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.