Як паведамляе прэс-служба Міністэрства адукацыі, у 160 установах прафтэхадукацыі прадоўжаны прыём дакументаў ад абітурыентаў. Дакументы будуць прымацца да поўнага ўкамплектавання вучэбных груп, але не пазней чым да 15 верасня. Маладых людзей чакаюць у прафтэхустановах, якія рыхтуюць кадры для машынабудавання, лёгкай прамысловасці, сельскай гаспадаркі і будаўніцтва.
Асобы, якія паступаюць у прафесійна-тэхнічныя ўстановы, павінны падаць у прыёмную камісію наступныя дакументы: заяву на імя кіраўніка, арыгіналы дакумента аб адукацыі, медыцынскую даведку аб стане здароўя, дакументы, якія пацвярджаюць іх права на льготы, 6 фотаздымкаў памерам 3 х 4 см і дакумент, які сведчыць іх асобу (для непаўналетніх такім дакументам з'яўляецца пасведчанне аб нараджэнні).
Надзея НІКАЛАЕВА.
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.