Навiны
Канцэрт-рэквіем «Кожны трэці» — зноў у Расіі. Дзе ўбачаць праект у бліжэйшай перспектыве?
Канцэрт-рэквіем «Кожны трэці» з моманту свайго з’яўлення і сустрэч з на розных пляцоўках нашай краіны ўжо паспеў пакінуць след у душы ўсіх, хто на ім пабываў. Варта адзначыць, што аўтарскі калектыў праекта ў складзе мастацкага кіраўніка Маладзёжнага тэатра Уладзіславы Арцюкоўскай і паэта-песенніка Ганны Лукашэнкі сёлета адзначаны прэміяй «За духоўнае адраджэнне» за значны ўклад у захаванне гістарычнай памяці, умацаванне духоўных каштоўнасцяў беларускага народа. Але з атрыманнем прызнання на высокім дзяржаўным узроўні сцэнічнае жыццё праекта не спыняецца. Прынята рашэнне аб паказе канцэрта-рэквіема «Кожны трэці» ў некаторых буйных гарадах і рэгіёнах Расійскай Федэрацыі.
Абноўлены канцэрт-рэквіем «Кожны трэці» паказалі ў Маскве
Канцэрт-рэквіем, які ў год 80-годдзя Вялікай Перамогі ўбачыла, без перабольшвання, уся Беларусь, паказалі ў Вялікай зале Крамлёўскага палаца. Шэсць тысяч гледачоў ушанавалі памяць кожнага трэцяга беларуса, хто загінуў у гады Вялікай Айчыннай вайны, разам з удзельнікамі мастацкай праграмы, якую склалі як вядомыя песні савецкага перыяду, так і сучасныя кампазіцыі, прысвечаныя ваеннай тэме.
Серыя канцэртаў-рэквіемаў «Кожны трэці» праходзіць у Палацы Рэспублікі
Сярод мерапрыемстваў, прысвечаных 80-годдзю Вялікай Перамогі, гэта, бадай, адно з самых адметных. Фактычна серыя канцэртаў-рэквіемаў «Кожны трэці», прысвечаных памяці герояў і ахвярам Вялікай Айчыннай вайны, якая пачалася 6 красавіка ў Палацы Рэспублікі, гэтыя асноўныя мерапрыемствы і адкрывае. Канцэрт-рэквіем «Кожны трэці» нясе асноўную сэнсавую нагрузку — важна памятаць усіх, хто загінуў у гады вайны і дзякуючы каму была здабыта Перамога.
