Сеткавае выданне zviazda.by

Польшча задумалася аб будаўніцтве другой атамнай электрастанцыі, яшчэ не запусціўшы першую. Кіраўнік энергетычнага ведамства краіны Мілаш Матыка пацвердзіў, што вядуцца перагаворы з міжнароднымі кампаніямі аб магчымым узвядзенні АЭС.

Плюсоў ад вайны ў Іране не праглядваецца, з якога боку не паглядзі. І хоць Дональд Трамп сцвярджае: маўляў, калі б не грамадскае меркаванне, ён бы ўзяў іранскую нафту. Магчыма, і не толькі іранскую. Але ключавая перашкода не ў меркаванні амерыканцаў, а ва ўпартым узброеным супраціўленні Ісламскай рэспублікі. Канфлікт на Блізкім Усходзе не стаў ні хуткай, ні пераможнай вайной. Канфлікт ужо абышоўся ЗША ў больш, чым 55 мільярдаў долараў. Выдаткі на штодзённае ўтрыманне ваеннай групоўкі ў раёне Персідскага заліва абыходзяцца амерыканскаму падаткаплацельшчыку мінімум у мільярд долараў. І гэта не лічачы іншых выдаткаў: росту цэн на бензін, угнаенні і шэраг іншых тавараў.