«Ствараючы праект, мы не разлічвалі, што ён акажацца настолькі запатрабаваны. Але, напэўна, час дыктуе ўмовы, і такія праекты патрэбныя. І не толькі ў нашай краіне, але і ў Расійскай Федэрацыі. Мы рады, што наш праект знаходзіць водгук у сэрцах расійскіх гледачоў і што ўсё больш расійскіх гарадоў запрашаюць нас, каб мы паказалі гэты праект на іх пляцоўках», — расказала Ганна Сялук.

Праект ужо ўбачылі ў Маскве і Казані, цяпер яго паказалі ў Санкт-Пецярбургу. «Сёлета запланавана прадставіць наш праект яшчэ ў пяці расійскіх гарадах: Ніжні Ноўгарад, Уфа, Екацярынбург, Чалябінск і Новасібірск. У наступным годзе таксама плануем пару гарадоў, якія нас чакаюць і з якімі мы вядзём перагаворы. Я спадзяюся, што наш канцэрт-рэквіем даедзе да гледачы гэтых гарадоў», — падкрэсліла генеральны прадзюсар.

«Кожны трэці» — унікальны праект, які ўяўляе сабой сінтэз тэатральнага і музычнага мастацтва, дакументалістыкі і сучасных тэхналогій. На працягу канцэрта дэманструюцца рэдкія кадры ваеннай і пасляваеннай хронікі, фотадакументы, прыводзяцца гістарычныя факты і ўдакладненыя звесткі і лічбы. У праекце кожны артыст і эпізод з’яўляюцца часткай агульнага палатна, якое распавядае пра боль і трагедыю цэлага народа і пра трагічныя лёсы асобных людзей.