Сеткавае выданне zviazda.by

У панядзелак Прэзідэнт Беларусі Аляксандр Лукашэнка заслухаў даклад міністра па надзвычайных сітуацыях Вадзіма Сіняўскага, паведамілі ў прэс-службе кіраўніка дзяржавы. Галоўны акцэнт — на арганізацыі работы па ліквідацыі наступстваў непагадзі ў Гродзенскай вобласці і ў першую чаргу ў Гродне, які сутыкнуўся з найбольш цяжкімі наступствамі навальнічнага фронту. Тут 1 жніўня за тры гадзіны выпала палова сярэднямесячнай нормы ападкаў, у выніку чаго былі падтоплены вуліцы, будынкі, збудаванні.

У Дзяржаўны рэестр Беларусі ўключаны новы сорт азімага дыплоіднага жыта «Рызона», паведамілі БелТА ў прэс-службе Міністэрства сельскай гаспадаркі і харчавання.

У апошнія дзесяцігоддзі ў водных аб’ектах Беларусі ўсё часцей з’яўляюцца інвазійныя — чужародныя, не ўласцівыя нашай прыродзе, віды. Чым яны небяспечныя для нашай краіны і як змагацца з іх экспансіяй, расказала кіраўнік іхтыялагічнай экспедыцыі, загадчыца лабараторыі іхтыялогіі Навукова-практычнага цэнтра па біярэсурсах Нацыянальнай акадэміі навук Беларусі Алена ГАЙДУЧЭНКА.

Прэзідэнт Беларусі Аляксандр Лукашэнка заслухаў даклад міністра сельскай гаспадаркі і харчавання Юрыя Горлава, паведамілі ў прэс-службе беларускага лідара. Ключавымі тэмамі сталі ход уборачнай кампаніі і прагнозы на ўраджай па выніках жніва, сяўба азімых культур і выкананне даручэння кіраўніка дзяржавы па будаўніцтве прафілакторыяў для цялят. 

У нядзелю матчам брэсцкага «Дынама» і бабруйскай «Белшыны» завяршыўся 16-ы тур нацыянальнага чэмпіянату па футболе. У дамашнім паядынку 16-га тура падапечныя Аляксандра Сяднёва разграмілі на сваёй арэне бабруйскую каманду з сухім лікам 4:0, пасля чаго «Дынама» ўзнялося на чацвёртае месца ў турнірнай табліцы.

Сінхраністка Васіліна Хандошка прынесла беларускай камандзе першы медаль чэмпіянату Еўропы па водных відах спорту, які праходзіць у Парыжы.

Карэспандэнт газеты «Звязда» адправілася ў Воранаўскі раён, каб сустрэцца з жамчужынай КСУП «Эліт-Агра» — Інэсай БУНЕВІЧ, якая ўжо шэсць гадоў водзіць трактар і пяць — камбайн. Дзяўчына прывыкла да ўвагі рэпарцёраў і ставіцца з разуменнем да цікавасці прэсы.

Пачатак тыдня парадаваў па-летняму цёплым і нават спякотным надвор’ем — слупкі тэрмометраў перавысілі звыклыя для гэтага часу адзнакі, хоць месцамі не абышлося без кароткачасовых дажджоў і навальніц. Аднак ужо ў другой палавіне тыдня тэмпературны фон прыкметна знізіцца і дажджоў стане больш, прагназуюць сіноптыкі.

Калі гаворка заходзіць аб раскрыцці злачынстваў, далёка не кожны задумваецца аб тым, што за гучнымі справамі нязменна стаіць карпатлівая праца экспертаў. Іх імёны рэдка з’яўляюцца ў навінах, але іх заключэнні часам становяцца вырашальнымі ў лёсе чалавека. І далікатнасць жаночых рук зусім не перашкода, калі размова ідзе аб пошуку ісціны — упэўнена Ірына ШАНІНА, намеснік начальніка ўпраўлення лабараторных даследаванняў рэчавых доказаў біялагічнага характару ўпраўлення ДКСЭ па Мінскай вобласці — дзяржаўны медыцынскі судовы эксперт-біёлаг.