Сеткавае выданне zviazda.by

Прастора магчымасцяў

У духоўным праваслаўным цэнтры, Свята-Успенскім Жыровіцкім манастыр, прайшлі ўрачыстасці, прысвечаныя з’яўленню абраза Божай Маці Жыровіцкай. Гэта адна з галоўных святынь Беларусі, якая ўшаноўваецца і праваслаўнымі, і каталікамі. З самым маленькім з цудатворных нерукатворных абразоў — памерам 5,6 на 4,4 см — звязаны шматлікія цуды, якія адбываліся як у мінулыя стагоддзі, так і ў наш час. Першыя з іх звязаны са з’яўленнем святыні. Па паданні вясной 1470 года ў лесе юныя пастушкі заўважылі незвычайнае ззянне, якое зыходзіла ад абраза. На тым месцы была пабудаваная царква. Калі ў ХVI стагоддзі яна згарэла, адбылося яшчэ адно дзіва — на камяні дзеці ўбачылі Дзеву незвычайнай прыгажосці, якая трымала ў руках абраз. 

Вітамінны канвеер айчыннай вытворчасці

Падчас наведвання яблыневых садоў фермерскай гаспадаркі «Спартан-Агра» Маладзечанскага раёна Прэзідэнт краіны Аляксандр Лукашэнка заўважыў, што хопіць ужо кланяцца імпартнаму яблыку. Сапраўды, дзякуючы селекцыі і сучасным тэхналогіям вырошчвання можна закладаць у краіне сады, якія забяспечаць унутраныя патрэбы ў вітаміннай прадукцыі на працягу ўсяго года. Пераканацца ў гэтым можна ў Інстытуце пладаводства Нацыянальнай акадэміі навук. Вучоныя вядуць селекцыю па 42 культурах, агульная колькасць сартоў ягадных і пладовых культур беларускай селекцыі на сёння складае больш як 430.

Лепшых студэнтаў і школьнікаў Беларусі, якія далучыліся да міжнароднага конкурсу «Мост кітайскай мовы», узнагародзілі ў Беларускім нацыянальным тэхнічным універсітэце. Месца для правядзення мерапрыемства абрана не выпадкова. У 2014 годзе на базе ўніверсітэта створаны першы ў свеце Інстытут Канфуцыя па навуцы і тэхніцы, які знаёміць беларускую моладзь не толькі з культурай і мовай Кітая, але і займаецца падрыхтоўкай кадраў пад сумесныя тэхнічныя праекты. 

У адпаведнасці з рашэннем Рэспубліканскага Савета па гістарычнай палітыцы і пры падтрымцы Міністэрства інфармацыі рэалізавана выданне фундаментальнага праекта, накіраванага на захаванне гістарычнай праўды, прэзентацыю культурнай спадчыны і фарміраванне цэласнага вобраза сучаснай Беларусі. У выдавецтве «Беларусь» пабачылі свет кнігі «Гісторыя беларускай дзяржаўнасці са старажытнейшых часоў і да нашых дзён», «Беларусь: трагедыя і праўда памяці: генацыд беларускага народа ў гады Вялікай Айчыннай вайны», «Беларусь: культурная і духоўная спадчына», «Беларусь сучасная: краіна і людзі».

Згодна з прапановай Прэзідэнта ў Беларусі створаны духоўныя цэнтры традыцыйных канфесій. Іх унікальнасць у тым, што тут не проста захоўваецца рэлігійнае жыццё, гэта месцы, дзе можна знайсці адказы на пытанні, чаму на нашай зямлі прадстаўнікі розных нацыянальнасцяў і веравызнанняў жывуць у міры і згодзе. 

Сёлета, калі будзе адзначацца 85-годдзе пачатку Вялікай Айчыннай вайны, памятныя мерапрыемствы на мемарыяле ў Масюкоўшчыне на тэрыторыі былога нямецкага лагера для савецкіх ваеннапалонных набываюць асаблівае значэнне У гэтым месцы адбывалася адна з першых ваенных трагедый. Салдаты і афіцэры, якія ў пачатку вайны трапілі ў палон, падвяргаліся катаванням, утрымліваліся ў нечалавечых умовах. 

У Беларускім дзяржаўным музеі гісторыі Вялікай Айчыннай вайны адкрылася незвычайная выстаўка, якая знаёміць з гісторыяй станаўлення гадзіннікавай прамысловасці СССР. Гэта сумесны праект з Музеем гадзіннікавай справы. У экспазіцыі прадстаўлена больш за 70 мадэляў, а таксама звесткі і фатаграфіі іх уладальнікаў — удзельнікаў Вялікай Айчыннай вайны.