У Мінскім філіяле ўстановы адукацыі «Беларускі гандлёва-эканамічны ўніверсітэт спажывецкай кааперацыі» прайшло мерапрыемства з прызыўнікамі, якое правёў начальнік групы тэрытарыяльнай абароны ваеннага камісарыята Завадскога раёна горада Мінска Андрэй Альшэўскі.
— Першым чынам хацелася, каб дзеці не баяліся Узброеных Сіл і разумелі, што ўсе мы жадаем жыць пад мірным небам. Бо гэта святы абавязак кожнага грамадзяніна нашай рэспублікі. Сёння правялі сустрэчу так, каб кожны вучань змог без якой-небудзь сарамлівасці звярнуцца з пытаннем, якое яго хвалюе па гэтай тэме, — сказаў Андрэй Альшэўскі.
— Спорт і армія заўсёды адзіныя. Армія дае нам унутраную моц і энергію, упэўненасць у сённяшнім і заўтрашнім дне. Яе не варта баяцца, бо шмат каму ўсё адно давядзецца прайсці праз гэты шлях, пасля якога вас несумненна будуць паважаць, — дапоўніў старшыня грамадскага аб’яднання «Беларуская федэрацыя хакея на траве» Аляксандр Екіменко.
Апроч гэтага, ён расказаў дзецям сваю гісторыю і ўвёў іх у спартыўнае жыццё хакея на траве.
— Я як ветэран баявых дзеянняў у Афганістане першым чынам вітаю такія мерапрыемствы і лічу, што яны проста неабходны для нашай моладзі. Сённяшняя сустрэча прайшла з юнымі прызыўнікамі. Яе мэта — сфарміраваць у дзяцей адносіны да Узброеных Сіл, абароны радзімы і дапамагчы з выбарам войскаў, дзе яны б хацелі служыць, — расказаў дырэктар установы адукацыі «Беларускага гандлёва-эканамічнага ўніверсітэта спажывецкай кааперацыі» Алег Леўшуноў.
Кацярына УРБАН
Фота аўтара
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
