У лютым у сталіцы стартаваў рэспубліканскі (фінальны) этап фестывалю «Беларусь — мая песня». І адкрыўся ён канцэртам Віцебскай вобласці, які прайшоў на сцэне Палаца Рэспублікі. Праграму «Віцебская батлейка», якая аб’яднала творчасць больш як тысячы ўдзельнікаў, гледачы змогуць убачыць у нядзелю на тэлеканале «Беларусь 3».
Сюжэт канцэрта раскрывае аўдыторыі гісторыю культурных каштоўнасцяў віцебскага рэгіёна. Гледачоў чакае цікавае маштабнае шоу з выкарыстаннем разнастайных спецэфектаў. На канцэртнай пляцоўцы было задзейнічана каля 250 адзінак прафесійнага светлавога і гукавога абсталявання, усталявана 9 святлодыёдных экранаў, а сваім майстэрствам гледачоў парадуюць артысты з Віцебска, Пастаў, Оршы, Наваполацка, Лепеля і іншых гарадоў вобласці.
У дзень старту фестывалю «Беларусь — мая песня» міністр культуры Анатоль Маркевіч адзначыў, што такое мерапрыемства дазволіць не толькі прадэманстраваць усю шматграннасць, прыгажосць і аўтэнтычнасць Беларусі, але і паспрыяе адраджэнню раней закладзеных традыцый: «Віцебск пачынае гэты марафон.
А завершым мы яго напярэдадні Дня Незалежнасці і 80-годдзя вызвалення Беларусі ад нямецка-фашысцкіх захопнікаў... Віцебшчына мае свае карані, аснову, якія дазваляюць іншым рэгіёнам пераймаць вопыт, бо падчас правядзення такіх мерапрыемстваў мы заўсёды абагачаем адно аднаго». Таму ўсе, хто таксама жадае ўбачыць і пачуць творчасць віцяблян ва ўсёй яе разнастайнасці, не прапусціце 25 лютага тэлеверсію гала-канцэрта на сацыякультурным у 16.50.
Алена ДРАПКО
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.