Дзецям малодшага школьнага ўзросту адрасаваны зборнік твораў беларускіх пісьменнікаў «Пачытаем пасля школы», які пабачыў свет у Выдавецкім доме «Звязда». Кніга выдадзена па заказе Міністэрста інфармацыі Рэспублкі Беларусь.
Пад адной вокладкай укладальнік Наталля Шчарбакова сабрала вершы і апавяданні Ядвігі Бяганскай («Цяжкая задача, «Сябры»), Эдзі Агняцвет («Хто пачынае дзень», «Параска і падказка»), Петруся Броўкі («Песня хлебу»), Артура Вольскага («Роднае слова»), Рыгора Ігнаценкі («Бабіна лета»), Барыса Сачанкі («Хлеб»). Усе апавяданні і вершы ўваходзяць у вучэбную праграму па прадмеце «Літаратурнае чытанне» для малодшай школы. Пра што ж расказваюць творы добра вядомых пісьменнікаў, кожны з якіх знаёмы чытачу не аднаго пакалення? Пра адказнасць і сяброўства, пра павагу да рабочых прафесій, пра тое, што значыць у жыцці чалавека родная мова.
Апавяданні і вершы можна чытаць самастойна, а калі яшчэ хтосьці толькі засвойвае літары, то яму, пэўна, з задавальненнем прачытаюць сімпатычна аформленую кніжачку бацькі ці дзядуля альбо бабуля. Мастачка Святлана Стахоўская здолела намаляваць не проста ілюстрацыі, якія б суправаджалі мастацкія тэксты, а выбудавала святочны настрой, дапоўніла творчыя адкрыцці пісьменнікаў сваімі гаваркімі, шматзначнымі вобразамі, сваімі цёплымі і прыцягальнымі колерамі.
Напрыканцы хацелася б заўважыць і тое, што кніга «Пачытаем пасля школы» праз знаёмства з кожным сваім творам дадасць у жыццё юных чытачоў удумлівасці і разважлівасці, а яшчэ знаёмства з ёю прынясе хлопчыкам і дзяўчынкам сапраўдную асалоду.
Сяргей ШЫЧКО
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
