Пасяджэнне Савета адбылося ў Нацыянальнай акадэміі навук Беларусі. У яго рабоце прынялі ўдзел вышэйшыя службовыя асобы краіны, кіраўнікі, спецыялісты дзяржаўных органаў і профільных арганізацый.
Адкрываючы пасяджэнне, старшыня Савета па стратэгічных праектах пры Прэзідэнце Рэспублікі Беларусь Уладзімір Гусакоў адзначыў, што напярэдадні першага пасяджэння былі накіраваны запыты вышэйшым службовым асобам і кіраўнікам дзяржорганаў. За мінулы месяц у Савет паступіла больш за 60 праектных прапаноў. Усе яны ўнесены ў Рэестр. Аднак, большасць з прапаноў знаходзяцца на ўзроўні ідэй. На наступны 2024 год, адзначыў Уладзімір Гусакоў, трэба вызначыць своеасаблівы ТОП-10 праектных ініцыятыў. Яны і стануць асновай гадавога Плана работы Савета.
«Безумоўны наш прыярытэт — няўхільнае і якаснае выкананне даручэнняў Кіраўніка дзяржавы. Пунктам адліку практычнай дзейнасці Савета стане разгляд пытання аб стварэнні ў краіне сеткі рухомай электрасувязі стандарту IMT-2020 (5G). Гэта актуальны ў свеце тэхналагічны напрамак. Яго рэалізацыя ляжыць у рэчышчы такіх глабальных трэндаў як чацвёртая прамысловая рэвалюцыя (Індустрыя 4.0), поўнамаштабная лічбавізацыя, робататэхніка і штучны інтэлект. Галоўнае — гэта адзін з кампанентаў IT-краіны, устаноўка на пабудову якой дадзена Прэзідэнтам Рэспублікі Беларусь», — падкрэсліў Уладзімір Гусакоў.
Міністр сувязі і інфарматызацыі Канстанцін Шульган і начальнік Аператыўна-аналітычнага цэнтра пры Прэзідэнце Рэспублікі Беларусь Андрэй Паўлючэнка прадставілі свае даклады, выказаліся па асноўных праблемных аспектах і спосабах іх вырашэння. Як вядома, у Беларусі асноўнымі рэгулятарамі ў галіне стварэння і эксплуатацыі сетак рухомай электрасувязі з’яўляюцца Міністэрства сувязі і інфарматызацыі, а таксама Аператыўна-аналітычны цэнтр пры Прэзідэнце Рэспублікі Беларусь. На пасяджэнні Савета па стратэгічных праектах выступілі кіраўнікі «эксплуатуючых» арганізацый, такіх, як «Белтэлекам», «Воблачныя тэхналогіі» (beCloud), аператары мабільнай сувязі і інш.
На пасяджэнні падрабязным чынам былі разгледжаны два варыянты развіцця ў краіне сеткі рухомай электрасувязі стандарту IMT-2020 (5G): інфраструктурная мадэль і канкурэнтнае асяроддзе. Па выніках пасяджэння прынята рашэнне прааналізаваць і абагульніць усю інфармацыю, якая ўтрымліваецца ў дакладах і выступленнях. Падрыхтаваныя матэрыялы будуць накіраваныя ва Ўрад для разгляду на Прэзідыуме Савета Міністраў і далейшага накіравання вынікаў разгляду Кіраўніку дзяржавы.
На пасяджэнні Савета па стратэгічных праектах пры Прэзідэнце Рэспублікі Беларусь таксама былі адобраны асноўныя крытэрыі і паказчыкі аднясення праектаў да катэгорыі стратэгічных. Кіраўнікам дзяржаўных органаў рэкамендавана прымяняць крытэрыі пры падрыхтоўцы праектных ініцыятыў.
Надзея НІКАЛАЕВА
Фота ўзяты з адкрытых крыніц
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
