У шэрагу еўрапейскіх краін пасля калядных свят адкрываецца вялікая колькасць пунктаў прыёму «выкарыстаных» ялінак, якія пасля збору з поспехам перапрацоўваюцца і выкарыстоўваюцца для вытворчасці паперы і... угнаенняў. Аказваецца, святочныя ёлкі цалкам можна выкарыстоўваць у садзе і агародзе.
З дапамогай яловых галін можна прыгатаваць пажыўную сумесь для будучай расады. Калі заняцца гэтым адразу пасля святаў, то да моманту высадкі расады (да сакавіка) сумесь якраз саспее і стане найбольш каштоўнай.
Каб яе прыгатаваць, нарэжце дробна яловыя галінкі з іголкамі і змяшайце з садовым грунтам у суадносінах 1:1. Расада, якую вырасцілі з выкарыстаннем такой сумесі, лепш развіваецца, утварае дужую каранёвую сістэму.
Сухая яловая сумесь можа абараніць практычна любыя расліны ў садзе. Яе выкарыстоўваюць супраць яблыневай і слівовай пладажоркі, розных відаў тлі і блох, шашолак і кляшчоў, лічынак каларадскага жука. Падыдзе яна і для прафілактыкі такіх хвароб, як шэрая гнілата і мучністая раса.
Для прыгатавання сухога парашка прапусціце яловыя галінкі з іголкамі праз мясарубку і добра высушыце. Можна перамалоць яловыя іголкі ў кавамолцы або з дапамогай блендэра. Захоўваць сухую сумесь трэба ў старанна закрытым кантэйнеры. Выкарыстоўваць можна ў сухім выглядзе (пасыпаць сумессю расліны) і ў выглядзе настою.
Калі вы жывяце ў доме, проста вынесіце зялёную прыгажуню ў сад і пакіньце там да вясны. Калі наступіць цяпло, трохі падрэжце тонкія галінкі, выдаліце іголачкі, якія ападаюць, уторкніце ў зямлю ў патрэбным месцы вертыкальна і пасадзіце вакол яе аднагадовыя расліны, якія віюцца. І ялінка ўлетку «зацвіце», атрымаўшы другое жыццё.
А таксама яловыя іголачкі можна выкарыстоўваць...
...для прыгажосці
Перад тым, як выкідваць елку, зрэжце з яе галінкі з іголкамі, змясціце ў тканінныя мяшочкі і заварыце ў гарачай ванне (як пакуначкі з гарбатай). Іглічныя ванны карысныя не толькі для скуры, але і для імунітэту.
...для здароўя
Таксама мяшочкі з ігліцай могуць спатрэбіцца для зімовых інгаляцый пры прастудных захворваннях. Ігліца славіцца сваімі антыбактэрыяльнымі і супрацьзапаленчымі ўласцівасцямі.
А са ствала зялёнай прыгажуні можна зрабіць дэкаратыўныя штучкі, распілаваўшы яго папярок на кругляшы. Напрыклад, вось такія (на фота):
Дарэчы, іглічная падстаўка для гарачага пры судотыку з нагрэтай каструлькай або цёплай талеркай будзе аддаваць тонкі прыемны іглічны пах.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
