У апошнія дні кастрычніка Магілёў прымаў Міжнародны музычны фестываль «Залаты шлягер». Канцэрты і выставы, творчыя сустрэчы і маладзёжныя шоу-праграмы прайшлі на галоўных сцэнічных пляцоўках Прыдняпроўскага краю пад адкрытым небам. А здымачная група сацыякультурнага канала падрыхтавала для сваёй аўдыторыі тэлеверсіі асноўных канцэртных праграм.
І ўжо ў гэтыя выхадныя тэлеаўдыторыя «Беларусь 3» зможа атрымаць асалоду ад любімых некалькімі пакаленнямі песень. Так, у рамках фестывалю было запісано пяць канцэртаў з удзелам беларускіх і расійскіх зорак эстрады і бардаў, сімфанічных і народных аркестраў. Першыя з іх убачым ужо заўтра ў эфіры. Так, 4 лістапада канал пакажа праграму ўрачыстага адкрыцця «Залатога шлягера» з удзелам знакамітых артыстаў Беларусі і Расіі. У канцэрце пачуем выступленні заслужанага калектыву Рэспублікі Беларусь «Беларускі дзяржаўны ансамбль «Песняры», заслужаных артыстаў Алены Ланской, Жанэт, Вольгі Ганчар, а таксама заслужаных артыстаў Расіі Ірыны Панароўскай і Сяргея Белікава, Таццяны Івановай і гурта «Комбинация», Аляксандра Дабранравава, ВІА «Лейся, песня», «Синяя птица» (Расія), Маура Менгалі (Італія) і іншых.
А 5 лістапада аматараў лірычнай песні чакае сольны канцэрт Аляксандра Драздова з легендарнага ВІА «Синяя птица». У выкананні многімі любімага артыста прагучаць хіты «Клён», «Кто тебе сказал?», «Синий иней», «Люди встречаются» і г. д. Не прапусціце паказ у нядзелю днём на сацыякультурным тэлеканале і сачыце за праграмай, бо працяг будзе.
Алена ДРАПКО
Фота БелТА
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
