Такую акцыю Федэрацыя прафсаюзаў Беларусі традыцыйна ладзіць да Дня пажылых людзей. Для людзей, якія сышлі ў заслужаны адпачынак арганізуюць экскурсіі па прадпрыемствах, дапамогу ў бытавых пытаннях, сустрэчы з працоўнымі дынастыямі, культурна-масавыя і спартыўныя мерапрыемствы, конкурсы, сустрэчы старэйшага пакалення з моладдзю.
Падобныя акцыі — толькі частка работы з ветэранамі, расказалі ў прэс-службе ФПБ. Сёння абсалютная большасць калектыўных дагавораў прадпрыемстваў і арганізацый утрымлівае абавязковы раздзел па аказанні ўсебаковай падтрымкі работнікам, якія выйшлі на пенсію. Напрыклад, матэрыяльныя выплаты і падарункі да юбілеяў, прафесійных і іншых свят, дапамога ў аздараўленні і лячэнні, дастаўка прадуктаў і паліва.
— Падтрымка тых, хто сышоў на заслужаны адпачынак, клопат і ўвага да людзей старэйшага пакалення — заўжды будуць абавязкам для прафсаюзаў. Пенсіянеры павінны заўжды быць у полі зроку сваіх прадпрыемстваў і прафсаюзных камітэтаў. Гаворка не толькі пра матэрыяльную падтрымку, якая, безумоўна, аказваецца, аднак не менш важна проста пабыць побач, ведаць пытанні і праблемы людзей, аказваць адрасную дапамогу. А напярэдадні свят цеплыня сустрэч і розных актыўнасцяў асабліва неабходныя, — перакананы ў прэс-службе ФПБ. — Кожнае прадпрыемства і арганізацыя далучаюцца да гэтай работы. Брэсцкі мясакамбінат, напрыклад, правядзе для сваіх былых супрацоўнікаў экскурсію на адным з прадпрыемстваў холдынгу: новым зернесушыльным комплексе, абноўленай малочна-таварнай ферме і ў аўтапарку. Усіх запрошаных запросяць таксама на дэгустацыю прадукцыю і пакажуць ім канцэртную праграму. Прадпрыемства «Магатэкс» таксама арганізуе для пажылых экскурсію, прапануючы азнаёміцца з сучаснай вытворчасцю тым, хто шмат гадоў аддаў лёгкай прамысловасці і бачыў розныя этапы арганізацыі, якая сёлета адзначае 50-годдзе. Без увагі не застануцца і ветэраны педагагічнай працы — практычна ў кожнай навучальнай установе ладзяць цёплыя сустрэчы.
Акрамя таго, ФПБ, беларускае грамадскае аб’яднанне ветэранаў і маладзёжнае грамадскае аб’яднанне вядуць сумесную работу па павышэнні ўзроўню сацыяльнай абароненасці людзей старэйшага пакалення, ветэранаў і асоб, якія пацярпелі ад наступстваў вайны, працягваюць удасканальваць і развіваць шэфскую дапамогу ветэранам вайны і працы, адзінокі пажылым людзям.
Ірына СІДАРОК
Прэв’ю: pexels.com
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
