4 красавіка Мінская раённая аргструктура ДТСААФ і Рэспубліканскі вучэбна-спартыўны цэнтр ДТСААФ правялі Дзень адкрытых дзвярэй на базе спартыўна-тэхнічнага комплексу «Баравая».
Гэтае мерапрыемства дало старт рэспубліканскай ваенна-патрыятычнай акцыі «Дні адчыненых дзвярэй у ДТСААФ», якія на працягу года пройдуць па ўсёй краіне.
У мерапрыемстве прынялі ўдзел каля двухсот навучэнцаў і вайскоўцаў часцей Мінскага гарнізона.
Удзельнікі мерапрыемства прысутнічалі на практычных занятках, наведалі станцыю тэхнічнага абслугоўвання.
— Гэта толькі пачатак маштабнай акцыі, якая пройдзе па ўсёй краіне. Падчас мерапрыемстваў пазнаёмім абсалютна ўсіх жадаючых, а мы запрашаем усіх незалежна ад роду заняткаў і ўзросту, з навучальна-матэрыяльнай базай і магчымасцямі. — адзначыў старшыняЦэнтральнай рады ДТСААФ генерал-маёр Андрэй Некрашэвіч. — У нас нямала цікавых праектаў, якія мы развіваем. Гэта і картынг, і ралійныя гонкі, розныя секцыі мадэлявання амаль кожны чалавек зможа знайсці сабе занятак па душы. Таксама мы распачалі будаўніцтва спартыўна-патрыятычнага цэнтра на базе сталічнага аэраклуба.
Вялікую цікавасць прысутных выклікала выступленне шматразовага чэмпіёна Беларусі па класічных ралійных гонках, кіраўніка каманды «МАЗ-СПОРТаўта» Сяргея Вязовіча.
Па эмоцыях удзельнікаў мерапрыемства было заўважна, што старт акцыі прайшоў паспяхова.
Віктар ІВАНЧЫКАЎ
Фота аўтара
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
