Беларусь і Узбекістан зацікаўлены ў абмене вопытам у сферы адукацыі, заявіла старшыня Савета Рэспублікі Наталля Качанава, перадае БелТА.
«У Беларусі шмат увагі надаецца сацыяльным пытанням і перш за ўсё адукацыі. Як адзначыў Прэзідэнт Беларусі Аляксандр Лукашэнка, адукацыя — гэта аснова ўсяго. І мы разумеем, што гэта сапраўды так, бо гэта — будучыня, — сказала Наталля Качанава. — Мы вельмі рады, што складваюцца добрыя адносіны паміж ВНУ нашых краін, павялічваецца колькасць дзяцей, якія прыязджаюць да нас вучыцца з Узбекістана».
«Па ўсіх напрамках у нас ёсць дагаворныя адносіны, падпісаны пагадненні, — дапоўніла спікер. — Сёння мы абменьваемся вопытам у сістэме адукацыі».
Сёння парламенцкая дэлегацыя Узбекістана наведала Беларускі дзяржаўны педагагічны ўніверсітэт імя Максіма Танка. У час сустрэчы абмеркаваны пытанні супрацоўніцтва нашых краін у сферы адукацыі.
Беларускі дзяржаўны педагагічны ўніверсітэт імя Максіма Танка — вядучая ўстанова вышэйшай адукацыі нацыянальнай сістэмы педагагічнай адукацыі, якая забяспечвае падрыхтоўку, перападрыхтоўку і павышэнне кваліфікацыі спецыялістаў адукацыі; найбуйнейшы навучальны і навукова-метадычны цэнтр, здольны ствараць новыя псіхолага-педагагічныя веды, распаўсюджваць і выкарыстоўваць іх для ўдасканалення якасці адукацыі. На дадзены момант ВНУ выступае адзіным вучэбна-навукова-метадычным комплексам, які з’яўляецца найбуйнейшым цэнтрам нацыянальнай сістэмы бесперапыннай педагагічнай адукацыі Рэспублікі Беларусь.
Фота: БелТА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
