Дзень беларускага пісьменства ў 30-ы раз збірае дзеячаў розных відаў мастацтваў, навукоўцаў, спартсменаў, журналістаў з усёй Беларусі. Свята будзе праходзіць у Гарадку 2-3 верасня, паведамляе БелТА.
Асноўнай тэмай з’яўляецца юбілей Дня пісьменства. Сімвалічным стала месца правядзення свята (Віцебская вобласць) — тры дзесяцігоддзі таму ён упершыню прайшоў у Полацку, які за гэты час тройчы быў сталіцай гэтага мерапрыемства. Сёлета эстафету прыняў Гарадок.
Брэндам Гарадоцкага раёна з’яўляецца галоўны герой паэмы «Тарас на Парнасе», напісанай Канстанцінам Вераніцыным — выхадцам гэтай зямлі. У райцэнтры пройдзе фестываль народнай творчасці, паэзіі і фальклору «Гарадоцкі Парнас», прысвечаны творчасці выбітнага беларускага паэта.
Важнымі тэмамі Дня пісьменства стануць таксама Год міру і стваральнай працы, 80-годдзе вызвалення мястэчка ад нямецка-фашысцкіх захопнікаў, 140-годдзе з дня нараджэння Янкі Маўра. Акрамя таго, пачнуцца мерапрыемствы, якія прысвечаны 20-годдзю праекта «Бацькаўшчына. У пошуках страчанага». Таксама асаблівасцю сёлетняга мерапрыемства стануць выставы ўсіх гарадоў, былых сталіцамі Дня беларускага пісьменства.
Госці свята змогуць пазнаёміцца з вядомымі сучаснымі літаратурнымі дзеячамі, падтрымаць выступленні юных чытальнікаў, якія сталі фіналістамі рэспубліканскага конкурсу «Жывая класіка», наведаць розныя інтэрактыўныя пляцоўкі, у тым ліку маладзёжныя, выставы, прэзентацыі кніг і праектаў, «Фестываль кнігі і прэсы», кінапаказы.
Урачыстае адкрыццё Дня беларускага пісьменства адбудзецца сёння ў 20.00. Яго неад’емнай часткай стане ўзнагароджанне пераможцаў рэспубліканскага конкурсу"Нацыянальная літаратурная прэмія".
Працягнецца свята 3 верасня тэматычнымі выставамі, прэзентацыямі, працай інтэрактыўных пляцовак. Таксама гасцей Гарадка чакае кулінарны фестываль «Мара гурмана».
Урачыстае закрыццё знакавага мерапрыемства пройдзе ў 14.00 на галоўнай плошчы райцэнтра.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».